Re: [glosalist] "Gene" e "ge-"

Saluta a plu lista-pe,

Manuel pa grafo:

Mo qestio ad Igor: qe u Polski lingua face difere in u no-akti mode inter pe e ra, homo u latina lingua face? Mi sio amo ski id, ka u Polski lingua habe ru-mode (intrumenta-mode) muta pro verba. Polski habe seti nima-mode de plu okto nima-mode de un indo-europea. U nima-mode; qi defekti in Polski, es un ab-mode (ablative). Seqe-co plu funktio de un ab-mode nece es intra ali nima-mode. Qe id posi es intra u de-mode (genitive) homo in paleo Helas-lingua?

Ja, in Polski lingua plu nima-verba habe seti mode (kaso). U tema; de qi tu pa dice, habe relati a kaso penta, qi es ge-nima in Polski lingua “narze’dnik” (e’ - debi sio es un idio litera ko un unki infra). U-ci nima veni ab u verba, qi habe signifi - “instrumenta”. Kausa-co u-ci kaso es exakti “ru-mode”. U maxi importa ra es; u-ci mode gene uti, kron pe volu dice; un akti gene face PER uno-ra (id ne habe importa; id gene face ex ali-pe). Homo exempla, u-ci ru-mode es ge-monstra in u frase:

Jedziesz samochodem - Tu ki PER vagona.

“Samochodem” es ru-mode forma de u nima-verba “samocho’d” (o’ - u litera “o” ko un obliqi stria supra).

Si pe volu face no-akti mode, u-la kron pe uti u hetero mode. Pe nece uti u verba “przez” (u cefa signifi es “dia”, sed ci id signifi es “ex” (ex uno-pe)). Homo exempla:

Ten dom jest zbudowany przez was - U-ci domi es ge-tekto EX vi.

“was” ge-adi ad u verba “przez” es ge-expresi in kaso tetra (accusative case). U-ci pragma habe poko komplika, ka si un akti-pe es un an-pe (solo u vive-an, ne un an-ra ( plu verba pote es fe-verba, an-verba e id-verba, klu no-vive-ra!)), u-la kron u persona-verba gene kaso bi - de-mode (genitive case). Id es freqe proxi ne-nota-abili, ka plu-ci persona-verba in kaso bi e kaso tetra freqe feno iso.

So, te monstra; un akti es ge-face ex uno-pe (akti-pe) alo ex uno-ra (akti-ra), Polski lingua ne uti un instrumenta-mode, sed u mode tetra (accusative) alo mode bi (genitive) ko u verba “przez” (ex) ge-loka ante u verba; qi monstra un akti-pe.

Instrumenta-mode gene uti in kaso; pe volu dice; uno-ra gene face PER uno-ra (sed ne ex uno-pe!). U-ci mode gene uti plus in plu expresi “ko uno-ra” alo “ko uno-pe”.

Mi spe; u-ci explika pote dona uno auxi a tu qestio.

Saluta,

Igor Wasilewski