"Gene" e "ge-"

Saluta,

Manuel pa grafo:

Mi ne nu ski komo mi pote korekti translati un “Hab�a una vez” alo un “Erase una vez” ad Glosa. In mi auto translati, mi pa elekti “Mo kron, pa es u regi” (Es: “Una vez hubo un rey”). Mi pa uti u “,” te nota ko ma dina ke u “Mo kron” ne es u nima (alo subjeti) de un akti-verba “pa es”.

Mi doxo; plus un expresi “uno-kron” sio pote es boni ci.

De “gene” e “ge-“:

Manuel pa grafo:

Mi pa vide; poli glosa-pe ma-amo uti “U fenestra gene ge-frakti”, sed mi ma-amo uti “U fenestra gene frakti”. Qo-ka? Ka u gene-mode es solo u muta in u frase struktura; qi ne muta u semani, e seqe-co mi puta; id debi habe facili muta regula. U muta regula:

Un infanti pa frakti u fenestra <—-> U fenestra pa gene frakti ex un infanti.

es ma facili de un hetero muta regula:

Un infanti pa frakti u fenestra <—-> U fenestra pa gene ge-frakti ex un infanti.

qi habe bi elementa muta vice mo! Sura, id feno ma natura pro poli de na; qi dice uno indo-europea lingua, sed id es ma komplexi!

Plus mi prefere dice “gene frakti” vice “gene ge-frakti”. Glosa es u lingua, qi habe u buta: panto-tem akti uti u maxi mega simpli struktura ge-nece pro logi. Kausa-co id es ma boni te expresi u pragma tem uti mei verba. Anti-co id plus pote es so; plu pe, qi uti u morfo “gene ge-frakti” posi volu face u difere inter un akti ge-fini e akti ne-ge-fini. Ci mi dice de u struktura klari ge-monstra in Esperanto - plu verba-fini “-ata” e “-ita”. Reali, Glosa ko id morfo “ge-“ ne monstra; qe pe dice de un akti ge-fini alo ne-ge-fini. Posi id ne habe ta importa, ka pe postula; a qo speci pragma u tema habe relati. Homo exempla na pote dice: “ge-lekto bibli”, sed id ne monstra ko klari; qe uno-pe pre-nu pa fini lekto u-ci bibli alo solo lekto id nu-tem, ko-co a-nu habe uno numera pagina ad u fini de u bibli. In Esperanto: “libro legata” e “libro legita”. U holo frase: “La libro estas legata”. “La libro estas legita”. Per qo mode pe pote dice id te monstra u difere? “U bibli gene lekto”/”U bibli gene ge-lekto”? Si vi habe ski de uno boni solve de u-ci pragma in Glosa, place grafo de id.

Igor Wasilewski