Re: [glosalist] Angeli

Saluta Plu Amika,

At 05:32 PM 1/30/04 +0000, Mario Montijo pa grafo:

Angeli Holo tem, kron lose bio boni infanti, angeli de teo kata epi geo, prena u morta infanti inter an braki, ge apri an mega plu leuko ptero, vola epi panto loka kui (qi) infanti pa ami e kolekti holo manu de plu anto, kuod (qod) ge fero a teo, kausa id u la ge maxi anto de epi geo. Teo prenas holo anto ab an kordi, sed u la anto, kui (qi) es de an u ma karo, an dona osku e kausa u ci id cepti voka e pote ge membra de u mega hedo koro.

Mi logi ke Mario ci monstro un uti de bi Glosa e Esperanto de dice u homo histori.

E plus, an veni ex u skience de puta-me te investiga u munda de ge-skema lingua.

Durante mega tem, mi pa puta ke plu persona; qi promoti un idea de munda komunita per un uti de plu puta-me, fu, plus, logi ke na nece habe u lingua; gru ko teknologi te face plu puta-me uti-ple pro munda komunika.

Mi kredi Mario habe u-ci logi. So, mi vo komenta koncerne u-ci monstro de plu bi lingua. Posi Glosa e Esperanto eqa u bi final-isti intra u brevi-lista pro u-ci signifi funktio.

Sed, intra u-ci competi, mi vo qestio oligo de Mario metode. Si na monstro Glosa e Esperanto, iso mu kompare, u-la es mo ra; sed mi puta na debi sio uti u norma Glosa pro u-ci exercisa. Alterno-co, si na fu kausa plu muta ad un uti de Glosa, u-ci es u difere ra. Mi kredi ke plu bi ra ne ki alelo.

Bi u kompara de difere ge-skema lingua, e posi muta a Glosa, eqa plu veri line de recerka pro Glosa, sed no to u mo tem.

So, mi dona qestio a Mario te akti boni skientia, e te recerka mo hipotesis to u tem.

Un ‘angeli’ pa elide plu hifon, re-loka u litera ‘q’ ko plu litera ‘ku’, dona u xeno uti a ‘ge’, e omiti un ‘n’ pre plu verbi; qi habe u vokali iso mu prima litera.

U lingua pa este fo boni, sed, tristi, mi ne logi u mega mero de u histori. U poeti es u fo kali idea, sed u “lingua de plu flori” ne dona semani intra mi menta.

Ex plu-ci raisona, mi kredi ke u-ci longi histori, de un ergo de plu angeli, ne don a plu persona; qi du gene sko de Glosa, u korekti idea de u lingua.

Mi sugere ke Mario uti plu ma brevi exempla de plu-ci lingua, e so, permite ma responde ex plu hetero Glosa-pe. Plus, mi vo komenta: poeti lingua kausa mega ma dificili pro plu grafo-pe de norma lingua; il es no ero in grafo poeti, sed pro u lekto-pe de gene u semani; qi u grafo-pe tende, an, u poetti-pe, nece uti ma abili-ra de kron grafo simpli lingua.

Nece, mi adi: mi ne akti kontra u spiritu de Teo. Plus, mi vide un ergo, de fero u ge-skema lingua in u munda kumuni, iso u spiritu akti. Mi logi ke tu grafo de plu angeli, ka mu es proxi tu kardia. Ko-co, mi sugere ke tu praxi un arti de grafo Glosa a-tem tu ski ke tu habe u ge-acepta uti de id, pre tu dona u histori de plu angeli. To u tali tem, tu histori fu ki, direkti in u kolekti de plu Glosa histori - sine disputa.

Saluta,

Robin Gaskell