Grama ex Wendy

Ave plu Glosa-pe,

* Hedo Gratia-Dona-di a panto-vi; qi celebra u-ci festa! *** ***** Pace e amo a plu famili; qi unio se nu-di. *******

Mi volu bali mero de grama ex Glosa-autori Wendy Ashby a vi. Fe pa grafo id tem 2004-11-14 – 11 di retro, penite, mi ne es tako, mi ski. Saluta ex Marcel.

“Karo Marcel, Ave!

…

Nu mi nece disciplina se. Mi nece es resista! Mi ne fu ki ex (exklude ad ergo) pre mi fini PGN 89. E ka-co, mi ne fu reakti a poli grama u-ci meno. Mi buta es de bali ex PGN proto Decembra. Mi es fo koleri ko mi; kausa PGN 88 pa gene publika 12 meno retro!

U-ci ne auxi u positivi difusi de Glosa. U-ci setimana na memo plu milita; id es u mega stimula te ma ergo ko Glosa; te auxi internatio paci e logi.

Mi pa spende pa-di e nu-di grafo PGN. Nu habe fini 5 pagina. Mi spe; grafo pagina 6 + 7 fu setimana-fini; e po-co, mi fu fini enigma-pagina. Si tu habe ali-ra tu fo volu loka in PGN, place bali id a mi; mega gratia.

Mi pa es fo hedo gene bi grama ex Gary; mi reakti a mo qestio in PGN 89; place dice ave! ex mi si tu e-posta ad an.

Mi tenta tena PGN interese e eduka. E mi fo amo gene plu artikla ex plu hetero Glosa-pe; kausa id monstra mi ne es u solo Glosa-pe. Plus-co, id es boni de gene plu hetero grafo-mode. Mi fo fru grafo id.

Mi pa preka ante printa-me; e penta pagina sucede pa veni ex! Sed tipo epi pagina 4 ne es fo boni, id ne es fo forti. Posi mi nece merka neo tinta-ve. Nu id es tro tardi de solve u-ci problema. Mi fu solve id fu-setimana.

…”

(Nota: Mi pa grafo de problema ko mi printa-me e fe pa reakti: Ron pa joko e “preka” ante printa-me tem printa-me problema.)