Infra vi pote lekto u pusi artikla de frigi-tem nekto. Mi spe; vi pote logi u Glosa de mi. Habe hedo. Panto boni a vi pro anua 2005, saluta - Marcel

(Below you can read a little article about winter swimming. Hope, my Glosa can be understood. Have fun. Best wishes for 2005, greetings - Marcel)

Frigi-tem Nekto

Posi tu amo balno e nekto. Posi tu ne amo balno in frigi aqa. Certa tu ne amo balno in fo frigi aqa.

Sed plu-ci xeno pe existe: Mu amo balno in aqa; epi qi plu mero de glacia du plankto. E u numera de plu-ci rabi-pe ne es pusi.

In Deutschland plura kluba de frigi-tem nekto-pe existe (lista epi www.winterschwimmen.de/gruppen.htm ). Pleisto de plu-ci kluba es in est-mero de Deutschland; qi pa es idio komunisti landa ge-nomina “DDR” (alo English GDR) pre 1990. Plu-ci kluba pa gene funda tem plu 1980-anua. Posi un idea pa gene influ ex kura-pe Sebastian Kneipp (1821-1897); qi pa sani poli pato-pe per frigi aqa. Alo un idea veni ex Rosija; qi pa es komunisti “fratri”-landa de DDR.

Plu nekto-pe balno ko plu fantasi-vesti-fa alo holo nudi.

Mu dice; id es “sporta”. Sed id ne es tali gravi sporta. Na ne pote skope id per televisio homo plu hetero frigi-tem sporta Ski, Ski-salta, glacia-glisa alo glacia-hoki. Hedo e ridi habe ma valu de vikto e rekorda.

Ne solo plura Deutsch-pe habe u-ci hobi. Plus in hetero landa plu frigi-nekto-kluba existe (vide www.winterschwimmen.de/ausland.htm ): Belgique, `�Cesk�-landa, Denmark, England, Finland, �sterreich, Polska, Schweiz, Slovensk�-landa, Sverige, USA e Zhongguo (Cina).

Ci oligo strategi pro frigi-tem nekto:

• Si tu es proto-pe; proto exercise tem sperma-tem! Ne proto tem maxi frigi.
• Exercise freqe! Posi mo alo bi kron singu setimana.
• Ne nekto solo! Prefere nekto in grega!
• Prefere ne-bato aqa!
• Ne bapti tu kefa infra aqa-facia!
• Tri alo penta minuta balno dona sati efekti pro tu sani.

E ci u simpli strategi de mi seqe:

• Ne praxi frigi-tem nekto! Prefere termo vesti e boni tea!