Re: [glosalist] "Gene" e "ge-"

Nicholas Hempshall pa grafo:

Alo

Plu medika-pe nu repara poli persona per alo-medika. -> Poli persona nu gene repara per alo-medika (ex plu medika-pe).

Nick

Fo boni exempla! Tu pa ma tele vide de mi. Poli kron id ne pote gene dice; qe un akti pa gene face ex uno-ra alo ex uno-pe. Seqe-co, un uti de u “per” es gru.

So, “un equs pa gene vulne per u lance” es gru ko bi frasa: “u lance pa vulne un equs” e “un agri-pe pa vulne un equs per u lance”. Plus, mi nu vide ma logika u mode de face u no-akti mode pro ra in latina lingua. Poli gratia!

Mo qestio ad Igor: qe u Polski lingua face difere in u no-akti mode inter pe e ra, homo u latina lingua face? Mi sio amo ski id, ka u Polski lingua habe ru-mode (intrumenta-mode) muta pro verba. Polski habe seti nima-mode de plu okto nima-mode de un indo-europea. U nima-mode; qi defekti in Polski, es un ab-mode (ablative). Seqe-co plu funktio de un ab-mode nece es intra ali nima-mode. Qe id posi es intra u de-mode (genitive) homo in paleo Helas-lingua?

Vale! Manuel.