Re: [glosalist] U RUBI-KAPILA GREGA, mero 5

U-ci pa es u fo tako fini a mi ergo-tem, e ne qod mi pa skema.

Grace Gary de tu plu hedo kogita pro mi bio seqe plu treno.  Mi nu vendo un apartamenta; qi mi pa habita plu-ci septa previo anua; e mi re-loka ad u fo gru urba intra u rura regio, Lithgow.  Ex Sydney centro a Lithgow, viagia per treno uti tri hora.  Mi habe bi persona; qi ofere nokta eko, kron mi vo visita u citata pro u nokta aktivi.

Iso vi posi skope, mi plu Glosa-ma es nu ge-volve, e mi ne pote cerka plu verbi.  Sed u vendo e re-loka posi acide po bi meno.  Mi loka panto-ra intra plu teka, te face klari un apartamenta so plu posi merca-pe pote vide plu mura e u spaci de un apartamenta.

Mi fratri; qi es u fo materia-ismo persona, sugere ke mi sto aktivi; qi ne fero-in u valuta, e duce u ma lukta via.  Ka valuta pro mi fu tosto gene meio, mi du acepta an advoka: mi fu developo mi abili ko ergo iso u redakto-pe [editor].  U-ci interese habe u forti lingua tema: a-nu, mi pa stude mo di de "Introduce Redakto," e mi pa praxi un arti ko auxi plu politiko aktivi-pe.  Nu, mi nece jugo u norma ekonomi, e developo u-ci abili te dona sati a plu ma komerci-menta persona.  Ko-co, mi fu uti u reti-lo te promoti mi-auto ad u munda.
Tristi mi nece atende six meno pre u seqe six-nokta redakto kurso komence.  Tem atende u komence de u-ci kurso, mi fu ofere gratia redakto ergo a plu carita, te developo exempla de mi ergo.  Seqe mi fu ofere u redakto servici pro valuta: alo to u rata pro mo aktivi, alo to un hora rata.  Si ali de vi habe plu sugere koncerne u tali skema, place grafo a mi dia u-ci Lista uti Glosa, alo per direkti e-posta uti England-lingua apo u Lista.
Il es plus, u difere ergo; in qi mi auxi mi fratri; qi ergo iso un arkitekto-pe.  Sed u-ci speciali aktivi posi fu habe tro de dificili: mi nece gene sko ex an; e, seqe, demo ke mi memo ne habe excese fora intra id. 
Inter plu oligo hora per di pro redakto ergo, plus un okasio ergo auxi mi fratri, mi fu loka u textili-tekto-me [loom] intra u sekunda kli-ka, te tekto plu cerviki-ve [scarves].  Lithgow, to un akro de plu monta; uesta de Sydney, habe frigo meteo: mi fu uti rugo fibri e aperi textu, te kompleti singo cerviki-ve in brevi tem.

Mi spe ke id holo gru, te produce un interese po-ergo tem.  Place bali tu qestio de mi progresi, e, nece, tu verbi de koragio.  Mi vo dice de u progesi de mi ^saga^ - in u neo bio akro u monta - a vi, mi komunita, uti Glosa ... nece.

Qe, mi du ~sto-ergo~, alo mi muta ad u tem ~po-ergo~?  Certa, mi ne fu sto ergo!  Mi fu simpli sto norma ergo, e fu akti ci e la te duce mi valuta-gaino interese.  Qod eqa u korekti traduce de "RETIREMENT."  Seqe un anua de ^nokto-pago^, mi kade ad u paleo-pe pensio [?]: si mi gene u korekti balance [?] tem u prima anua, ko-co plu seqe anua fu plus habe gru.

Place inklude, ko u seqe mero 6, u brevi sektio de un origi textu ex qi tu pa traduce tu Glosa versio.

Posi tu uti plu verbi ko qi mi ne habe facili.  Anti-co, mi ne puta u problema habe u tali simpli.  Tu frasa kurso, sed mi ne detekti plu punkta per qi mi pote gene intra mu.