Simpli Gramatika - Introduce

Mi Karo Amika, Mi nu komence u seri de posta ko Glosa gramatika iso u subjekti. Glosa Gramatika - Introduce

TETRA REGULA EX RON CLARK

1. Basi strukture de plu frasa: SUBJEJTI - AKTI - OBJECTI.
2. U verbi modidfi u seqe verbi.
3. Ali verbi pote funktio - ko rationa - iso ali mero de voka.
4. U verbi eqa u concepa-centra: id semani intra u frasa gene ge-dona ex id partikulari funktio; qi veni ex id loka intra u minor-grega.

PLUS

1. Intra plu frasa il es plu minor-grega e plu major-grega simi boni-ge- uti England-lingua.
2. Ka plu verbi habe nuli flexi, u sensi de plu verbi - intra mu plu grega - veni ex un ordina de plu verbi. (Vide plu Regula 1. e 5.)
3. Te modifi u semani de plu Akti-Verbi e plu Nomina-Verbi Glosa habe plu Modifi-Verbi: u homo verbi pote modifi bi A-V e N-V.

PLU NOTA: i. R. Clark pa dice ke England-lingua habe u maxi boni frasa struktura; so, bene-ge-grafo Glosa pote gene ge-traduce tanto verbi per verbi in clari England textu. Anti-co, uno-pe ne traduce u majorita de uti de England-lingua in Glosa, ka poli de id uti freqe habe mali forma. ii. Vario Glosa verbi pote gene ge-brevi a bi litera; ge-adi, ko hifen, ad u fini de u verbi mu modifi. Plu ge-adi brevi forma muta u semani, so u ge-kompositi verbi habe u funktio de u brevi-forma. iii. Iso tu skope, il es u solo mo kontra-exempla de nuli flexi .. qi proba u regula .. e u-ci koncerne Pasivi Voka. Ci, ~ge-~ (ex gene) gene ge-loka to u fronta de un Akti-Verbi. (–> un apare de O-V-S) iv. Te dona facili de dice, intra Glosa, na adi ‘N’ ad un ‘U’ kron u seqe litera eqa u Vokali; plus, na pote elimina u fini Vokali ex u verbi, kron u seqe verbi habe u Vokali iso id prima litera.

E A. Glosa habe u fo simpli gramatika; qi veni ex un ordina de plu verbi. Uno-pe pote imagina: il es u no-vide struktura; in qi plu verbi gene ge-loka - akorda mu funktio. U-ci idea deskribe Glosa iso u Pre-Skribe lingua. B. Ka Glosa habe nuli flexi (excepta ~ge-~), na pote define id gramatika iso “Sintaxi Ge-basi.” … U gramatika de England-lingua habe 50% S G-b. C. Elipsi, un elimina de no-necese verbi, existe intra Glosa. So, klu-co, na pote uti plu fo brevi minor-grega; ex qi vario verbi es apo; sed, si plu-ci ge-apo verbi pote gene ge-imagina, u frasa habe korekti - sed sio es no-literari. E, so dice, an ki (ad an) domi. D. Il es u tensio intra u lingua inter un idea de u fo brevi vokabulari ko solo mo verbi pro singu koncepa .. e un idea ke plu-pe sio vo uti boni stilo iso mu uti Glosa. Bi mode habe acepta. Plura-pe vo uti u maxi-brevi forma ko id excesi itera, tem plu hetero persona volu prefere de uti u ma relaxi, deskribe forma de u lingua - uti plu sinonima te evita no-nece itera. Bi mode eqa boni Glosa: u difere es intra u karactera de plu grafo-pe.

FINI Bi koncepa koncerne lingua eqa “Un Universali Sintaxi” de N. Chomsky, e un idea de kogita uti u partikulari lingua. Qod nexu plu-ci idea es ke u juve cerebra tena u holo gradu de plu posi sintaxi, sed iso u persona kresce, mu gene sko de solo plu mero de sintaxi; qi habe aplika intra mu natia lingua. So mu puta uti solo u ge-limita faski de plu sintaxi regula, e mu kogita uti u-ci pusi subo-faski de un posi, universali sintaxi - logi ke holo-pe puta e dice uti u-ci homo faski de regula e verbi. Mi kredi ke Glosa, de holo plu inter-lingua, veni ma proxi u-ci Universali Sintaxi, e kombina plu elimenta de simpli, skientia e poesi in u maxi boni mixa-ra.

Seqe: plu simpli frasa struktura.

Saluta,

Robin Gaskell P.S. U-ci grafo-ra eqa u situa iso mi vide id. U grafo-ra es aperi pro diskursi, sed, mi kredi, pusi sio es ge-muta. Iso singu lingua, Glosa, si ge-adopta, fu muta ko uti. Anti-co, to u-ci punkta de id developo, mi logi ke id sio debi gene ge-dice e ge-grafo uti id presenta forma. Qod Glosa nece habe nu, es u kompleti faski de diktionari, e gru bibli e hetero media de instru … nuli ma developo de u lingua alo id vocabulari. To help with usage, I use:- GLOSA 6000 - 6000 Greek and Latin Words and Roots, 1992, Glosa Download (144pp) Glosa Internet Dictionary (GID): English - Glosa, 2000, Glosalist [now updated on Marcel’s website] Greek dictionary Latin Dictionary & common sense, inherent language ability, and the idea of Chomsky’s “Universal Language”