U frigi-tem (ko nekto?) nu habe proxi fini e un horti-tem fu proto tosto. Mi volu; vi habe un hedo blasto-tem. Marcel

(Winter (with swimming?) is nearly over and the gardening season will start soon. I wish you all a happy spring-time.)

Un horti (joko)

U paleo Arabia-an vive in Chicago dura 40 anua. An bali e-grama ad an-fili de an; qi du stude in Paris:

“Salem Alekum, Ahmed. Mi habe tristi. Mi sio amo planta plu potato in horti de mi; sed mi es solo e paleo e no-dina. Mi habe certa: si tu sio es ci; tu pote dona auxi a mi e pote ana-fosi un horti pro mi. Mi amo tu. Tu patri.”

U seqe di, u paleo andro gene e-grama:

“Alekum Selam, patri! Place nuli-kron tange un horti. La mi pa kripti u ra. Mi plus amo tu. U tu auto-lauda fili Ahmed.”

U paleo andro sensi pusi konfusi; u fili semani qo ra. Anti-co an decide respekto u desira de fili. Ko frustra, an kumbe se ad-in kli te somni.

A 4 horo, tem noktu, US Army, plu Marine, u FBI, u CIA e plu Ranger veni ad domi de andro. Mu cerka panto-lo, mu no-kompositi u panto horti, examina panto milimetra, – sed mu ne detekti ali ra. Mu ki ab minus sucede.

U seqe di, u paleo andro itera gene e-grama ex fili:

“Karo patri, certa un horti nu pa gene holo ana-fosi e tu pote planta plu potato. Mi ne pote akti ma pro tu. Mi amo tu. Ahmed.”