Huck Finn ULTIMA

Ben, na imedia gene ex plu katena Jim.

Po-co Tom du dice e du dice, e dice; panto na sti kripti kine ab la kron uno noktu, e gene u navi, e tenta gene plu rabi excite viagia inter plu Indiana la topo Teritori de mu tem mono alo bi setimana. Po-co mi dice; u-la dona a mi place, anti-co mi habe zero valuta de merka u navi, plus mi puta; mi ne pote gene valuta ab eko-lo, kausa patri de mi probabili re-kine a la, e gene holo id ab judika Thatcher, e spende holo id de trinki alkoholi.

Jim dice ko severi: “An ne fu re-kine, Huck. Qe tu du memo de u-la domi-navi, qi pa du plankto ko flu de fluvi, plus es un andro ko tegu in la, plus mi kine in la, e apo u tegu, e ne lase; tu kine in la? U-la pa es an.”

Mi nu puta; mi nece sti dromo a Teritori pre plu hetero-pe, kausa Sally dice; fe fu sti fili mi, e dona plu eduka a mi. Kausa-co mi ne pote toleri u-la.

FINI. SINCERE DE VI, HUCK FINN.