Huck Finn 42

U paleo-an kine a viki pre matina vora, sed gene zero info de Tom. Sally subito sti dromo– kausa fe vide uno-ra. U ra es; Tom Sawyer epi fero-ru kon u-la paleo medika-pe e Jim in simpli tunika de fe ko bi manu ge-liga po an, plus poli homi. Fe bali ad ana bi manu, e dice: “An habe bio, grati a Teo!”

Plu andro poli mali dice a Jim, e bate an mono alo bi kron a latu de kefa oliga kron, anti-co Jim dice zero, plus-co an zero-kron dona un info; an habe ski de mi. Mu duce an a pre mikro domi, e moti plu vesti de an epi an, e itera moti plu katena epi an, sed ne a poda de kli u-la kron, sed a mega du-akro, mu bate ad-in funda xilo bloka, e plus moti plu katena a bi manu e bi poda. Po-co u paleo medika-pe kine a la tende skope, e dice: “Ne du akti ad an ko ma severi de debi, kausa an ne es u mali dulo. Kron mi pa detekti u ju-an, an lose plu puta pote, e ne lice; mi kine proxi ad an. U-ci Afrika dulo sti repti ex uno-lo, e dice; an fu dona auxi.” Po-co plu hetero pe este mikro simpati. Plus-co mi este grati ad u-la paleo medika-pe, kausa an akti boni a Jim.

U seqe matina, mi audi; Tom habe ma sani, plus mu dice; Sally pa kine tende gene mikro somni. Kausa-co mi kripti kine a pato-ka. Si mi detekti; an habe vigli, mi puta; na fu pote krea u falsi histori ko sucede. Anti-co an du somni. Po hemi horo, Sally kine in la.

Kausa-co na sedi tem skope. Po longi tem an gene mikro vigli, e aperi bi oku, e skope e dice de u mode; na pa sti libe u fugi Afrika dulo: “Jim nu es u libe-pe, plus solo na pa akti panto-ra, e u ra habe koragi, qe, Sally?”

Fe dice: “Si mi detekti; tu itera akti kako kon an–”

Tom dice: “Kako ko qo-pe? Tom, qe, an ne pa kine ab ci?”

Sally dice: “An, u fugi Afrika dulo? Mu pa re-duce an, sekuri e sani. Plus-co an itera detekti se in u-la mikro domi ko simpli pani e hidro, e poli katena.”

Tom sti sedi in kli ko bi termo oku, tem plu nasa fora klude e aperi, homo plu spira-fora de piski, e voci a mi: “Mu habe zero privilegi de klude an! An es zero dulo! Paleo sra. Watson pa lose bio pre bi meno, e este etio de fe pa vendo an topo stoma de fluvi, e dice tali. Plus-co fe pa sti libe an per testi papira– vive boni, POLLY!”

Sura, fe sta la in kamera proxi a porta. Mi detekti u boni topo infra kli, kausa mi feno detekti severi in aero. Po mikro tem, Polly gene laxa, e sta, tem skope supra bi-lenti Tom– tem feno pulsa an a tera. Po-co fe dice: “Ja, tu debi tropi u kefa ab mi, Tom.”

Sally dice: “U-ci ne es TOM, es Sid. Topo qo na detekti Tom?

“Tu korekti dice; Huck Finn–”