Huck Finn 31

Mi ne itera debi sto tem poli di. Kron bi falsi-pe puta: mu es ab risko; po-co mu itera akti in plu viki. Mu tenta religio ergo, sti plu trance, feno es plu medika, pre-dice, e mikro ex panto-ra; anti-co mu gene zero fortuna. A fini, bi mu muta se, e proto moti bi kefa proxi ad alelo, e dice per mikro-soni e kripti voka, uno-kron tem bi alo tri horo.

Uno-di mi e Duce kine a viki, e cerka u Regi, e, po mega tem, detekti an in poste kamera in mali bibe-do, forti narko; plus-co poli non-ergo-an forti kritici an homo sporta. U Duce sti kritici: an es u paleo stupidi-pe; plus-co u Regi sti kritici anti an. Kron mu severi akti, mi fugi ex la homo zoa, e dromo longi fluvi via homo cervus, kausa mi pa vide u fortuna oportuna. Mi voci: “Sti libe, Jim!”

Jim es ab la! Po mikro tem, mi kine longi via, tem tenta puta: mi debi akti qo; tem-co mi gene un inkontra ko ju-an, e dice u qestio: an pa vide u xeno Afrika dulo ko tali vesti. An dice: “Ja. A Silas Phelps. U paleo andro– u xeno-pe– pa vendo an kambio 40 dolara.”

Po-co an kine ab la. Mi kine a plankto navi, e sedi in te-do tende puta. Mi dice a se: sio es ma boni per kilo-kron, si Jim es u dulo-pe topo auto eko-lo, topo qi es auto famili, si an nece es u dulo. Kausa-co mi debi grafo u grama a Tom Sawyer, e dice: an dice a sra. Watson: an es topo qo. Uno-ra in mi du dice: es plu religio-di sko– tu pa sio kine a mu. Plus-co, si tu pa sio kine, mu dice a tu: plu homi, qi akti, homo mi akti de u-la Afrika dulo, kine ad holo-tem piro.

Mi ne ski: akti qo. Mi sedi e grafo: “Sra. Watson, tu fugi Afrika dulo, Jim, gene detekti ci, tri kilometra longi flu ab viki Pikesville. Plus-co sr. Phelps habe an, e fu cede an, kambio premi paga, si tu bali id.”

Mi este justi, e holo ge-lava puri ab kako u proto kron tem holo bio, e ski: mi nu pote dice plu preka. Mi habe seiso, kausa mi debi face u decide– holo-tem– de bi ra.

Mi dice a se: kausa-co boni– mi fu kine a diaboli-lo! e ple skizo id.

Po-co mi sti puta de akti id per qo mode, e puta de poli mode. Po-co mi sti kine longi via, e, kron mi kine ultra seka-do, vide un info-ra epi id “Xilo-Seka-do de Phelps.”

U veri proto homi, mi vide, kron mi kine a viki, es u Duce. An gene u subito feno, e dice: “U plankto-navi es topo qo? Qe tu habe id topo boni topo?”

Mi dice: “Ben, un andro pa veni, e promise a mi deka centi, tende auxi: an tira u pusi remi-navi trans fluvi, e re-kine, tende prende un ovis; kausa-co mi kine kon an. Anti-co, tem na tira id a navi, un andro lase: mi tena id korda, e kine post id, tende pulsa id, id es excesi forti por mi; po-co id tira laxa se, e kine ab la. Na fini gene id kron skoto. Mi pa sti kine a plankto-navi. Kron mi gene es la, e vide: id es ab la, mi dice a se: turba acide a mu; kausa-co mu pa fugi. Kausa-co qo-ra acide a plankto-navi?– e Jim– sti-simpati Jim?”

“U paleo-pe pa vendo an, e ne divide u valuta ko mi; plus-co u valuta nu es zero.”

Mi dice, e sti plu lakrima: “Pa vendo an?”

“Na debi es ci tri di. Un andro, qi pa merka an, habe u nomina Abram Foster; plus-co an du eko a 70 kilometra ab viki longi via a civita Lafayette.”

Mi dice: “Boni. Mi pote kine a la per pedi tem tri di.”

Po-co mi kine ab la, e sti kine ab viki. Mi puta: mi debi sti mi skema ko tako, kausa-co mi volu sto u stoma de Jim, a-kron bi mali-pe fu pote fugi. Mi pa vide panto-ra, mi volu vide; plus-co mi volu gene es holo ab bi mu.