U RUBI-KAPILA GREGA, ultima mero

JOKO

Un paleo-an dice a juve andro: “Kron mi pa es juve, mi ergo ma forti de vi. Plus mi pa habe solo mo libe-di tem meno. Plus plu meno pa habe 40 di.”

U RUBI-KAPILA GREGA, ultima mero

Mi moti u ge-prepara pistola epi akro de xilo teka; poste qi mi sta epi genu. Holmes pa klude u tegu epi ante de laterna e linqi na in fo skoto–ta holo skoto; de qi mi pa gene experi nuli-kron. Un odoro de termo metali es la te dona a na u sura; u foto nu es la–ge-prepara te salta ex ko subito. A mi ko panto nervo; ge-face a punkta de atende, es uno-ra; sti-tristi e sto-interese in u-la subito skoto e in u frigi, humidi aero de u-la stora-ka.

“Mu habe solo mo fugi via.”–Holmes dice ko susura. “U-la es versi dia domi in Saxe-Coburg publika-lo. Mi spe; tu pa akti u ra; de qi mi pa dice u petitio, Jones.”

“Mi habe u detekti-pe ko bi polica-pe; qi atende ante ante-porta.”

“Ka-co na pa klude panto fora. Ko-co na nece tena silento e atende.”

Qo speci tem feno es! Ex kompara de plu nota po panto-ra, es solo mo horo mo-penta minuta. Anti-co feno a mi: u noktu es proxi a fini, ko-co un aurora gene supra na. Mi panto membra habe fatiga e rigi, ka mi este fobo de muta loka. Anti-co mi panto nervo pa gene prepara a maxi gradu de excite, ko-co mi audi-pote habe ta kura; mi ne solo pote audi gentili spira de panto ami sed pote ski u difere de u ma bato e ma masi spira de mega Jones anti u pusi e tristi soni de u banka duce-pe. Ex mi loka, mi pote vide supra teka a pedi-lo. Subito, mi oku gene u scinti de foto.

Proto, id es solo u debili spinta epi lito pedi-lo. Po-co id gene longi, a-kron id es u xanto line. Po-co, minus ali monito alo soni, u fisu feno gene aperi. U manu gene vista–u leuko, proxi fe manu; qi palpa peri in centra de pusi area de foto. Tem mo minuta alo ma, u manu ko serpenti digi tensio ex pedi-lo. Po-co id gene apo iso subito, de id pa gene vista. Panto-ra itera es skoto excepti u solo debili spinta; qi monstra u pusi fisu inter lito.

Anti-co id no-vista es brevi-tem. Kon apo e skizo soni, mo ex plu lati e leuko lito gene tropi epi latu e sti resta u qadra e lati kavita; dia qi u foto de laterna ki. Supra id margina u puri e feno-juve facia vide; qi skope peri kon excite. Po-co, ko manu epi ambi latu de kavita, id trakto ana se a skapa-alti, po-co meso-soma-alti, a-kron mo genu gene moti epi margina. Seqe-kron an sta epi margina de kavita e trakto poste an un asocia; facili-kine e pusi homo u proto, ko leuko facia e fo rubi kapila; qi sta epi kefa.

“Es nuli-pe.”–an dice per susura. “Qe tu habe u cisela e plu saka? Turba! Sti salta, Archie, sti salta! Mi fu pugna!”

Sherlock Holmes pa salta ex e rapi u ki-in-pe per kola-ve. Un hetero merge se kata kavita. Mi audi u soni de skizo textili, tem Jones tenta kapti an vesti. Foto dona scinti a tubi de pistola, anti-co Holmes casa kefa-ve kade epi an karpu. U pistola kade ko metali soni epi lito pedi-lo.

“Es zero funktio, John Clay.”–Holmes dice ko no-excite. “Tu habe zero fortuna.”

“Mi vide u-ci.”–un hetero dice ko forti non-interese. “Mi doxo; mi ami es imuni, anti mi vide; vi pa gene plu kauda de an extra-ve.”

“Es tri andro; qi atende an proxi porta.”–Holmes dice.

“O, veri, qe? Feno, tu pa akti u-ci ra a fini. Mi nece dice boni de tu.”

“E mi de tu.”–Holmes reakti. “Tu rubi-kapila idea pa es fo neo e efekti.”

“Tu fu itera vide tu asocia po brevi tem.”–Jones dice. “An es ma tako de skende kata kavita de mi. Simpli, tu tensio manu, tem mi fixa plu manu katena.”

“Mi dice u petitio; tu ne tange mi per tu no-puri manu.”–na karcera-pe dice, tem plu manu katena face u soni klak epi karpu. “Tu posi ne habe u ski; mi habe regi hema in vena. Plus sti u civili; kron tu dice a mi, dice ‘sinior’ e ‘place’ panto-kron.”

“U-ci feno gru.”–Jones dice ko stare e ko pusi ridi. “Alora, place, sinior: qe tu ki supra; topo na fu pote sti; u vagona fero regi tu a polica-do?”

“U-ci es ma boni.”–John Clay dice ko kalma. An kali kline se a tri na e gresi ko no-soni in detekti polica-pe kapti.

“Veri, sr. Holmes,”–sr. Merryweather dice, tem na ki seqe mu ab infra-ka–“Mi ne ski; per qo-mode u banka pote dona a tu gratia alo re-paga. Es zero dubi; tu pa detekti e gene vikto per fo perfekti mode supra mo ex plu maxi tende tenta de klepti ab banka; qi pa gene acide tem mi holo experi.”

“Mi pa habe mo alo bi pusi ra te face eqa ko sr. John Clay.”–Holmes dice. “Mi pa habe plu pusi ex-valuta kausa u-ci ra; de qi mi expekta; u banka fu dona re-paga. Ultra-co mi pa gene sati re-paga per u-ci; mi pa gene un experi; qi es idio per poli mode, e per gene audi u fo sti-interese stori de u Rubi-kapila grega.”

“Tu fu gene logi, Watson;”–An dice un explika tem mana proto horo, tem na sedi ko bibe-va de wiski ko soda para strata Baker–“Es perfekti klari ex proto: u solo posi buta de u-ci subo grandi ra de u publika-nota de u-ci Grega e de kopi un Enciklopedia nece es gene u-la ne-fo intelige kambio-pe ex vista tem oligo horo singu di. Pa es u sti-puta mode de akti. Anti-co, veri, es no-facili te sugesti u ma boni. U mode, minus dubi, gene sugesti a Clay genius menta per kroma de an asocia kapila. U tetra ponda singu setimana es u kapti-ma; qi pa nece trakto an. U-la es qo a mu; qi akti te gene plu kilo? Mu dona u publika-nota, uno krimi-pe habe u brevi-tem ofici-ka, e un hetero krimi-pe stimula; un homi tenta gene un ergo. Simul, mu gene u sucede; te face sura an es ab tem panto mana de setimana. Ex kron; mi pa audi; un auxi-pe pa volu ergo pro hemi in-valuta, es klari a mi: an habe u forti stimula kausa face imuni u ra.”

“Anti-co per qo-mode tu pa face u divina; u-ci es u stimula?”

“Si pa sio es plu gina in domi, mi posi gene un idea de simpli vulga interese. Anti-co u-la es ne in qestio. Un andro komerci es pusi, plus-co es nuli-ra in domi; qi posi dona un explika de tali komplexi prepara. Mu ex tali ex-valuta! Ka-co nece es uno-ra ex domi. Es qo? Mi puta de un auxi-pe hedo de fotografi e de an akti de kine ad-in infra-ka. Un infra-ka! La es u fini de u-ci indika. Po-co mi dice plu qestio de u-ci misteri auxi-pe e detekti; an es mo ex plu maxi minus-vista e maxi risko krimi-pe in London. An akti uno-ra in infra-ka–uno-ra; qi nece spende poli horo singu di tem poli meno. U-ci itera es qo? Mi pote puta de nuli-ra, sed an face u kaverno ad hetero domi.

“Mi pa puta ad u-ci, kron na ki te visita u loka de akti. Mi pa sti subito interese tu kron bate epi pedi-lo per baci. Mi gene sura de qe un infra-ka gene ma longi ad ante alo a poste. Ne es ad ante. Po-co mi sti soni u tini-ru. Akorda mi spe; un auxi-pe reakti. Na pa habe plu turba, anti-co na nuli-kron pa vide alelo. Mi proxi ne skope an facia. Mi volu skope an genu. Tu auto pa debi gene u ski; mu es tali ge-uti e ge-ruga e ge-makula. Mu dice de panto horo de fosi. U solo resta ra es; mu fosi de qo? Mi ki ultra gono e vide; plu Civita e Sub-urba banka es para alelo in na ami para-lo. Mi este; mi pa akti u solve de problema. Po tu pa ki ad auto domi po koncerto, mi akti komunika a korta Skotlanda e a proto-pe de banka duce-pe. U-ci nu face u seqe; tu pa vide.”

“Tu pa gene u logi; mu fu tenta u krimi tem u-ci noktu per qo mode?”–mi dice u qestio.

Ben, po mu pa sti klude mu ofici-ka, u-la pa es un indika-ra; mu ne nu este kura de sr. Jabez Wilson la. Per hetero semani, mu pa akti fini de mu kaverno. Anti-co es fo nece: mu uti id ko tako, kaso id gene detekti alo kriso gene apo. U di-seti es ma gru a mu de ali hetero di, ka u-la fu sio dona a mu bi di te fugi. Kausa panto-ci, mi pa este un expekta; mu fu veni tem u-ci noktu.”

“Tu pa gene u logi ko kali!”–mi voci ko no-fikti mira. “Feno es tali longi katena, anti-co panto mero pa gene reali.”

“U-la pa sti mi salva anti no-stimula.”–an reakti ko hiao. “Vani! Mi nu este; id ki proxi mi. Mi bio gene spende per mo longi-tem tenta te fugi ab plu norma ra de bio. Panto-ci pusi ra dona a mi auxi te akti u-ci.”

“Ko-co tu pa dona boni a panto homi.”–mi dice.

An moti ana plu skapa. “Alora, posi, su-toto, u-ci habe u pusi funktio.”–an dice u logi. “‘Un homi es uno-ra, un akti es un holo ra.’–Gustave Flaubert pa grafo u-ci a Georges Sand.”

The best thing to hit the internet in years - Juno SpeedBand! Surf the web up to FIVE TIMES FASTER! Only $14.95/ month - visit www.juno.com to sign up today!