Fast links: Interglossa » Glosa »

U RUBI-KAPILA GREGA, mero 9

Gary R Miller (Gary R Miller <justi.miller@...>) on October 31, 2003

SOFI

Mi ne pote, ka mi nece pende plu lakti guta ab stego per korda. (Arabi)

U RUBI-KAPILA GREGA, mero 9

Mi ami es u zelo musika-pe tem auto es ne solo fo akti-pote sed plus u komposi-pe de ne-ordinari merito. Tem holo meso-di, an pa sedi in pusi audi-ka tem ge-involve per perfekti hedo e tem oscila longi, tenu digi akorda ritmo de musika. An gentili, subridi facia ko lento, sonia oku es ta non-homo de Holmes–u cerka-kani, zero-kron-sto, klari menta, fo ge-prepara, anti-krimi Holmes–de pe posi puta. In mo karakteri, u diplo natura alterna monstra alelo. An mega exakti e gene-ski qalita monstra–homo mi freqe puta–u reakti anti poesi e puta atitudi; qi oligo-kron habe domina in an. Un oscila de an natura duce an ab mega lento a vora energi. Mi boni ski; an ne es ta veri menace, po an pa sedi in braki-sedi-mo kon auto plu inventi e ko plu boni bibli tem poli di. Po-co u fo-volu de casa subito gene origi in an, plus-co an splendi logika gene forti intelige, a-kron pe; qi ne pa gene ski de an mode, dona ad an u skope homo ad homi; qi ski es supra homi. Kron, tem u-la di, mi pa vide an; ta ge-involve per musika in audi-do Sankti Jakob, mi pa este u kako tem fu veni a mu; anti qi an pa decide casa.

“Tu volu ki ad eko-do minus dubi, doktora.”–an dice, kron na ki ex.

“Ja, u-ci fu es boni.”

“Plus-co mi habe pragma; mi nece akti e qi fu nece oligo hora. U pragma topo publika-lo Coburg es importa.”

“Qo-ka importa?”

“U mega krimi nu gene puta. Mi habe panto kausa te kredi; na fu es la sati-kron te sto id. Anti-co nu-di es u di-seti adi komplexi. Mi fu volu tu auxi kron noktu, Watson.”

“Qo-kron?”

“Un hora deka fu es sati.”

“Mi fu es epi strata Baker kron hora deka.”

“Fo boni. Mi dice; doktora: fu posi es pusi risko. Ka-co mi dice u petitio; moti tu pistola ad-in marsu.” An oscila manu e tropi se epi kalku e imedia lose vista intra poli-pe.

Mi este u kredi; mi ne es ma fatuo de mi para-pe. Anti-co mi holo-tem este opresi ex auto fatuo tem akti ko Sherlock Holmes. Ci mi pa audi panto-ra; an pa audi, e pa vide panto-ra; an pa vide. Ultra-co, kausa an dice, es fo klari: an pa klari vide panto-ra; qi pa gene acide plus panto-ra; qi fu gene acide, tem a mi un holo pragma es ge-konfusi e minus forma a-nu. Tem ki a mi eko-do in Kensington, mi puta de panto-ra, ex extra-ordinari stori de rubi-kapila kopi-pe de enciklopedia a visita a publika-lo Saxe-Coburg e de plu risko verba; ko qi an pa ki ab mi. U-ci noktu viagia es qo? Mi debi ki kon arma qo-ka? Na fu ki a qo-lo? Na fu akti qo? Mi habe ex Holmes un indika; u-la glabro-facia kambio auxi-pe es u menace andro–un Andro; qi fu posi akti ko komplexi. Mi pa tenta solve un enigma, anti-co mi sto ko no-spe. Mi moti u pragma a latu, a-kron u noktu fu sti veni un explika.

Pa es nona hora mo-penta: kron mi sti ki ex eko-do e ki trans parka e dura ki longi strata Oxford a strata Baker. Bi vagona sta ante porta. Kron mi ki dia porta, mi audi plu voka ex supra. Kron ki ad-in kamera, mi detekti Holmes in tako konversa ko bi andro. Mi rekogni mo ex mu, un ofici polica-pe Peter Jones. Un hetero es u longi-, tenu-, e tristi-facia andro ko fo splendi kefa-ve e fo sti-mira extra-ve.

“O, na grega es holo!”–Holmes dice tem klude plu butona epi extra-ve e prende u gravi casa kefa-ve ab stora-mo. “Watson: mi doxo; tu habe ski de sr. Jones ex Skotlanda Korta. Lase; mi sti ski a tu de sr. Merryweather; qi fu es na asocia tem nu-noktu excite.”

“Na itera akti casa per bi–doktora, qe tu logi?”–Jones dice per sti-seqe mode. “Na ami ci es u sti-mira andro te proto ali casa. U solo ra; an volu, es u paleo kani te dona ad an auxi te dromo pro an.”

“Mi spe; zero-ra ne fu es u fini de na casa.”–sr. Merryweather adi ko tristi.

“Tu pote este mega fide de sr. Holmes, sinior.”–u polica-pe pa dice ko lauda. “An habe auto pusi mode; qi habe–si an ne este turba de mi dice–pusi tro teori e sonia qalita. Anti-co an habe u proto de polica recerka-pe intra an. Ne es excesi: dice; mo alo bi kron homo tem plu kaso de cide de Sholto e de Agra tresora, an pa habe proxi ma korekti de ofici polica grega.”

“O, si tu dice, sr. Jones, u-ci es sati.”–u xeno-pe dice ko non-importa. “Anti-co mi dice konfesi; mi este u minus de karta ludi. Es u noktu mo po bi-seti anua: mi ne habe mi karta ludi.”

“Mi doxo; tu fu detekti;”–Sherlock Holmes dice–“tu fu ludi te gene ma valuta nu-noktu, de tu pa ludi ali-kron a-nu. U-ci ludi fu es ma excite. Pro tu, sr. Merryweather, u divi fu es 30,000 ponda e pro tu, Jones, fu es un andro; tu volu rapi per auto manu.”


The best thing to hit the internet in years - Juno SpeedBand! Surf the web up to FIVE TIMES FASTER! Only $14.95/ month - visit www.juno.com to sign up today!

Fast links: Interglossa » Glosa »

U RUBI-KAPILA GREGA, mero 9 - Committee on language planning, FIAS. Coordination: Vergara & Hardy, PhDs.