U RUBI-KAPILA GREGA, mero 8

SOFI

Pe; qi bene-dice un ami per fo-soni voka tem proto mana, fu gene mali-dice. (Hebreo)

U RUBI-KAPILA GREGA, mero 8

“U regula es;”–Holmes dice–“ma no-norma u pragma es, ko mei misteri id gene reali. Es plu vulga, no-idio krimi; qi veri dona enigma, iso u vulga facia es maxi no-facili de rekogni. Anti-co mi fu nece habe rapidi de u-ci pragma.”

“Tu fu akti qo?”–mi dice u qestio.

“Nikotini.”–an reakti. “U-ci es u tri-tubi problema. Mi dice u petitio; tu ne fu dice a mi penta-ze minuta.” An klude se in sedi-mo tem tena tenu genu ad homo-falko nasa. An sedi la ko ge-klude oku e ko melano kerami tubi; projekti homo rostri de xeno avi. Mi pa puta; an pa gene somni. Faktu, mi kefa pa proto kade kausa somni, kron an subito salta ex sedi-mo ko feno de homi; qi pa fini puta. An moti tubi supra piro-lo.

“Sarasate soni musika in skope-do Sankti Jakob nu-di.”–an dice. “Tu doxo qo, Watson? Qe tu pato-pe posi es minus tu oligo horo?”

“Mi habe zero ergo nu-di. Mi ergo proxi zero-kron nece forti kura.”

“Ka-co moti kefa-ve epi se e sti ki ko. Mi fu ki dia civita pre panto-ra. Na fu vora tem viagia. Mi pa gene u ski; es poli Deutsch musika in programa; qi es subo ma a mi este de Italia alo France. U-ci es intra-skope–mi volu intra-skope. Sti ki ko!”

Na ki per infra-tera trena ad Aldersgate. U pusi pedi viagia duce na a publika-lo Saxe-Coburg; u skena de u-la idio histori; na pa audi nu-mana. Id es u lento, pusi, no-sistema loka; topo tetra line de no-puri bi-pedi-lo domi sta proxi u pusi ge-fragma loka; topo gra ko sponta e kon oligo grega de pusi dendro habe lukta ko fumi e no-gluko aero. Tri ge-kriso bola e bruna taba ko “JABEZ WILSON” per leuko litera epi u domi epi gono dona ski de loka; topo na rubi-kapila merka-pe du akti komerci. Sherlock Holmes ko kefa a latu sta ante id e dona ad holo id u forti skope, tem oku dona foto inter semi ge-klude oku-tegu. Po-co an ki ko lento longi strata e itera a gono tem du kura skope plu domi. Fini, an ki versi u-la kambio domi. Po bate ko forti per gresi-baci anti strata facia bi alo tri kron, an ki ante porta e bate id. Id imedia gene aperi ex u feno-intelige, holo-ge-razo-facia andro; qi dice u petitio; an ki in.

“Gratia.”–Holmes dice. “Mi simpli volu dice u qestio; pe ki ab ci a Strand per qo via?”

“U dextro tri e u laevo tetra.”–u-la auxi-pe reakti ko rapidi tem klude porta.

“Un intelige andro.”–Holmes gene u ski, tem na ki ab. “An es akorda mi judika u maxi intelige andro tetra in London. Mi este fo sura; an ne es u tri. Mi pa gene ski de an pre-nu.”

“Klari,”–mi dice–“sr. Wilson auxi-pe habe u mega mero de u-ci misteri de Rubi-kapili grega. Mi este u sura; tu pa dice qestio de via, simpli te gene u posi; tu fu vide an.”

“Ne an”

“Ka-co qo?”

“Bi genu de an poda-ve.”

“Ko-co tu pa vide qo?”

“U ra; mi pa spe.”

“Tu pa bate u facia de strata qo-te?”

“Mi karo doktora, nu es tem pro gene ski e ne pro dice. Na es plu espio in anti-pe natio. Na habe certa ski de publika-lo Saxe-Coburg. Na fu akti stude de plu mero poste id.”

U via; epi qi na detekti se po ki peri gono ab ge-linqi publika-lo Saxe-Coburg dona u fo-kompara de id, homo ante de pikto dona kompara a poste. Id es u cefa via; qi duce civita cirkulati a nord e ad uest. U via habe kongesti ex u mega diplo flu de komerci; qi ki in e ex, tem plu pedi-via feno es melano kausa tako poli-pe de pedi-pe. Gene u ski es no-facili, tem na skope u line de poli boni boteka e grandi komerci-do: Mu veri es a latu de lose-kroma e no-aktivi publika-lo; na pa linqi po tali brevi tem.

“Mi fu vide…”–Holmes dice tem sta epi strata gono e tako skope longi domi line. “Mi fu hedo gene u memo de exakti taxo de panto domi ci. Es mi habitu: habe un exakti ski de London. La es Mortimer; u nikotini-do, e u pusi nova-papira-do e u Coburg mero de Civita e para-civita banka e Legumi vora-do e vagona face-do McFarlane. U-la duce na ad hetero strato. Ko-co, doktora, na nu-pa fini ergo, ka-co es tem na habe sporta: u sandwic ko tasa kafa, po-co a violina-landa; topo panto-ra es gluko e rari e harmoni, e topo es zero rubi-kapila merka-pe; qi dona vexa a na per problema.”

The best thing to hit the internet in years - Juno SpeedBand! Surf the web up to FIVE TIMES FASTER! Only $14.95/ month - visit www.juno.com to sign up today!