U RUBI-KAPILA GREGA, mero 6

SOFI

Pe nece dona oskula a poli rana pre detekti mo prince.

U RUBI-KAPILA GREGA, mero 6

“‘Ka-co vale, sr. Jabez Wilson. Lase; mi itera dona gratula a tu de tu importa ergo; qi tu pa habe u boni fortuna de gene.’ An klina se a mi, po-co mi ki ex kamera. Mi ki ad eko-lo ko mi auxi-pe tem ne habe u ski; mi dice alo akti qo, ka mi este ta gluko de mi boni fortuna.

“Alora, mi puta de u-la pragma holo-di. A vespera, mi itera es tristi, ka mi pa sti puta; un holo ra pa es u mega alo tekno falsi, anti mi ne pote puta; u buta de id es qo. Feno ultra kredi: uno-pe pa sio pote face tali testi, alo uno-pe fu sio paga tali valuta te akti ta simpli ra homo kopi de ‘Enciklopedia Britanika’. Vincent Spaulding akti ra; an posi akti, te sti mi este hedo. Anti-co, sti-somni-kron, mi pa dona kausa a mi auto anti un holo pragma. Anti-co, kron mana, mi face u decide; sti vide de u-la. Ka-co mi merka u centi-ponda botilia grafo-ma. Ko pina stilo e seti pusi-preci papiri, mi sti ki a korta Pope.

“Ben, a mi subito e hedo, panto-ra es ta korekti iso posi. U tabla es ge-moti la pro mi. Sr. Duncan Ross es la te este sura; mi fu sti ergo. An sti mi proto ko litera A, po-co an ki ab mi. Anti-co an fu tako ki in domi kron-a-kron te este sura; panto-ra es gru pro mi. Kron horo-bi, an volu a mi u boni di e dice boni de qantita ergo; mi pa grafo, e sti klavi un ofici porta poste mi.

“U-la dura di-po-di, sr. Holmes. Kron di-seti, u duce-pe ki in e moti tetra kriso moneta kausa mi mo-setimana ergo. Iso kron seqe setimana e iso kron seqe. Singu mana mi es la kron horo-deka, ko-co singu di mi ki ab kron horo-bi. Per mei mode, sr. Duncan Ross sti ki in mo kron singu mana. Po-co an ne ki in ali-kron. Dura-co mi ne sti puta ki ex mo sekunda, ka mi ne este sura; an fu posi veni qo-kron. U-la ergo es ta boni e feno ta gru a mi; mi ne sio volu u risko; lose id.

“Okto setimana ki ultra per tali mode. Mi pa grafo de Abe e Arka e Arkitekto e Arma e Atika. Mi habe u spe; mi fu dura ko B po brevi tem. U-la es u preci de papira ab mi, plus-co mi pa face ple mo pla per mi grafo. Po-co un holo komerci pa gene fini.”

“Fini?”

“Ja, sinior. A-co ne ma po-kron de nu-mana. Mi pa ki homo more kron horo-deka a mi ergo. Anti-co u porta es ge-klavi ko pusi mero kartona; ge-malea per aku a meso de porta lami. Id es ci, tu auto pote lekto.”

An tena ana u mero leuko kartona proxi meri nota papira. Id gene lekto so:

U RUBI-KAPILA GREGA GENE NO-FACE Meno 9, di nona, 1890

Sherlock Holmes ko mi kura skope u-la brevi publika grafo plus u no-spe facia poste id, a-kron u komika mero de kasa ta gene supra panto hetero puta; bi na gene subito ridi brio.

“Mi ne pote logi; es ali komika ra.”–na merka-pe voci tem gene rubi kroma a kapila de koleri kefa. “Si tu ne posi akti hetero ra sed ridi anti-mi, mi fu pote ki ad hetero lo.”

“No, no.”–Holmes voci tem pulsa an versi sedi-mo; ab qi an pa semi leva se. “Mi ne fu lose tu kasa kambio holo geo. Id es fo sti-neo ne-norma. Anti-co es–si tu fu dona pardo a mi dice–uno-ra; ja pusi komika de id. Mi dice petitio; tu pa akti qo, kron tu vide u kartona mero epi porta?”

“Mi pa gene vertigo, sinior. Mi ne habe u ski; akti qo. Po-co mi sti visita a panto peri ofici. Anti-co zero mu feno habe ali ski de id. Fini-kron mi pa ki a domi habe-pe; qi es u valuta-bibli-pe e habe eko epi pedi-lo tri. Ko-co mi dice ad an u petitio; qe an posi dice a mi; qo pa gene acide a Rubi-Kapila Grega. An dice; an pa audi de tali grega zero-kron. Kron mi dice u qestio; sr. Duncan Ross es qo. An reakti; u-la nomina feno neo ad an.

“‘Alora,’–mi dice–‘u-la andro topo numera 4.’

“‘Qo–u rubi-kapila andro?’

“‘Ja.’

“‘O’–an dice–‘An nomina es William Morris. An es u vendo-pe e pa uti mi kamera iso brevi-tem eko-lo a-kron an neo loka fu es prepara. An pa ki ex pa-di.’

“‘Mi pote detekti an qo-lo?’

“‘O, topo an neo ofici. An pa dice a mi u neo domi numera. Ja, 17 King Edward Street; proxi Saint Paul.’

“Mi pa sti ki, sr. Holmes. Anti-co, kron mi ki ad u-la eko numera, id es u face-do de ge-face genu patela, plus-co zero-pe in id pa audi de alo sr. William Morris alo sr. Duncan Ross ali-kron.”

“Po-co tu akti qo?”–Holmes dice u qestio.

“Mi pa ki a publika-lo Saxe-Coburg e dice petitio de konsili ex auxi-pe. Anti-co an ne pote dona auxi a mi per ali mode. An pote dice solo; si mi du atende, mi fu gene reakti per posta. Anti-co u-la ne es sati boni, sr. Holmes. Mi ne volu lose tali ergo minus lukta. Ka-co, ka mi pa audi tu es ta boni te dona konsili a plu pove homi; qi habe nece de id, mi pa imedia ki a tu.”

“Ko-co tu pa akti fo akorda sofi.”–Homes dice. “Tu kaso es fo sti-kura. Mi fu este hedo per dona kura ad id. Ex panto-ra; tu pa dice a mi, mi habe u doxo; es posi: plu ma gravi pragma es ex id, de feno es po proto vista.”

The best thing to hit the internet in years - Juno SpeedBand! Surf the web up to FIVE TIMES FASTER! Only $14.95/ month - visit www.juno.com to sign up today!