U rubi-kapila grega, mero 2

U-la paki merka-pe pa moti ante u toraci ko feno de pusi auto-lauda. An tira u no-puri e koruga nova-papira ex intra marsu de extra-ve. Tem an skope kata publika mero ko kefa ante e ko papira; ge-difusi epi genu, mi kura skope u-la andro. Mi; homo mi asocia, tenta gene ski de an: an vesti alo feno monstra qo.

Mi ne gene mega ski per skope. Na visita-pe habe panto feno de medio vulga England komerci-pe: paki, auto-lauda e lento. An habe epi se subo laxa poda-ve ko polio cako modela, subo no-puri melano jaketa; ne ge-butona, u minus-kroma intra-ve ko gravi kupra-zinka katena e qadra ge-fora metali mero; qi pende homo orna. U ge-frika alti kefa-ve e u paleo bruna extra-ve ko veluta kola-ve es epi sedi-mo para an. Suma-co, po panto skope, zero-ra de u-la andro habe dice-valu excepti an piro-rubi kapila e u feno de turba e no-sati epi an.

Sherlock Holmes tako oku gene vista de mi aktivi. An face no-sema per kefa ko ridi tem gene plu nota de mi qestio skope. “Ultra panto fo klari faktu; an pa akti manu ergo, an sume nasa-nikotini, an es u Freemason-pe, an pa es in Cina e an pa grafo mega pre brevi tem, mi pote deduce zero hetero ra.”

Sr. Jabez Wilson sub-salta epi sedi-mo ko mo digi epi papira sed oku a mi asocia.

“Per nomina de boni fortuna, tu gene ski de panto-la per qo mode?”–An dice u qestio. “Per qo mode, homo exempla, tu gene u ski; mi pa akti manu ergo? U-ci es so veri iso Kristo-Bibli, ka mi proto ergo iso navi xilo-pe.”

“Tu manu, mi karo sinior. Tu dextro manu es sura ma mega de laevo. Tu pa akti ergo per id, ko-co plu muskula gene ma forti.”

“Ben, qo-ka u nasa-nikotini e Freemason religio?”

“Mi ne dice mali anti tu per dice a vi u mode; mi pa detekti u-la, idio ka–anti plu severi lega de tu religio–tu habe un orna oku kon arka e ciklo-ru.”

“O, sura, mi pa habe no-memo de u-ci. Sed plu grafo?”

“Qo hetero pragma gene monstra per dextro karpu-ve es talo glabro de deka centimetra longi e per laevo ko glabro area proxi kubita; topo pe tena id epi grafo-tabla?”

“Ben, sed Cina?”

“U piski derma-grafi; tu habe brevi supra dextro karpu posi gene akti solo in Cina. Mi pa akti u pusi stude de derma-grafi, plus-co mi pa akti adi a plu grafo de u-ci tekno. U-la tekno-akti; face u leuko-rosa kroma de piski lepido es fo idio de Cina. Plus-co, ko vide; u Cina moneta du pende epi tu horo-me katena, u problema gene klu ma simpli.”

Sr. Jabez Wilson dona forti ridi. “Ben, mi zero-kron…!”–an dice. “Proto, mi este u doxo; tu pa akti ko boni tekno. Suma-co mi nu logi; es zero-ra de u-ci.”

“Mi proto puta, Watson;”–Holmes dice–“mi du akti ero tem dice explika. ‘Omne ignotum pro magnifico’–tu ski u-ci. Mi pusi sti-simpati demo-doxo–id es sura so–fu gene frakti, si mi es talo no-kripto. Qe tu ne pote detekti u publika grafo, sr. Wilson?”

“Ja, mi nu habe id.”–an reakti ko paki, rubi digi semi-kata lista. “Id es ci. U-ci pa proto panto-ra. Tu auto lekto id, sinior.”

Mi prende u-la papira ab an e lekto u seqe:

The best thing to hit the internet in years - Juno SpeedBand! Surf the web up to FIVE TIMES FASTER! Only $14.95/ month - visit www.juno.com to sign up today!