U rubi-kapila grega, mero 1

U RUBI-KAPILA GREGA ex sir Arthur Conan Doyle

Mero 1

Mi pa visita un ami sr. Sherlock Holmes uno di de sperma-tem de pa anua. Mi detekti an ko profunda konversa ko fo paki, rubi-facia, gero andro. An habe plus rubi, feno-piro kapila. Ko dice penite de rupti, mi tende ki ab, kron Holmes trakto mi ko subito ad-in kamera e klude u porta poste mi.

“Tu ne posi veni ma boni kron, mi karo Watson.”–an dice ko gluko.

“Mi este fobo; tu es aktivi.”

“Mi es ta. Fo ta.”

“Ka-co mi pote atende in para kamera.”

“Sura no. U-ci andro, sr. Wilson, pa es un asocia e un auxi-pe tem poli mi maxi sucede kaso. Mi habe zero dubi; an fu es u maxi boni uti a mi plus tem tu kaso.”

U-ci paki andro semi leva se e dona u kefa-sema de saluta ko tako, pusi, qestio speka ex pusi, lipo-cirka oku.

“Place–u-la sedi-mo.”–Holmes dice. An re-sedi epi braki-sedi-mo e moti digi akro ad alelo, homo pa es habitu tem habe judika este. “Mi karo Watson: mi habe u ski; tu ko mi este un amo de panto; qi es xeno e ultra more e ultra sto-interese rutina de panto-di bio. Tu pa monstra excite de u-ci per zelo; qi pa stimula; tu grafo u registra e grafo–si tu ne este turba; mi dice so–plu pusi adi a mi poli pusi excite viagia.”

“Panto tu kaso pa es u maxi interese a mi.”–mi reakti.

“Tu debi gene u memo; mi pa dice uno di, pusi pre na dice de u-la fo simpli problema; resta. Mary Sutherland pa dona: Na nece ki de plu xeno pragma e de plu extraordinari kombina a veri bio; qi es fo ma excite de ali doxo de imagina.”

“U sugesti; de qi mi este libe de dubi.”

“Tu pa akti so, doktora. Anti-co tu debi cepti mi doxo. Hetero-co mi fu dice a tu ma faktu e ma faktu, a-kron tu rationa gene frakti kausa mu e gene u ski; mi habe korekti. Nu, sr. Jabez Wilson ci pa es ta boni; an pa visiti mi nu-mana. An proto un histori; qi habe u promise; es u maxi idio; mi pa audi po mega tem. Tu pa audi; plu maxi xeno e plu maxi idio pragma fo freqe habe nexi ne ko ma mega sed ko ma pusi krimi–uno-kron klu es u dubi; qe u veri krimi pa gene akti. Pre-nu mi pa audi; es no-posi: mi dice; qe u-ci nu-tem kaso es un exempla de krimi alo ne es. Anti-co u seqe de akti es sura inter plu maxi interese; mi pa audi ali-kron. Posi, sr. Wilson: tu fu habe u maxi mega gentili; re-proto u-la histori. Mi dice u-ci petitio, ne simpli ka mi ami dr. Watson ne pa audi u proto mero sed ka un idio fisika de u-la histori sti; mi este anxio; audi panto pusi mero ex tu labia. Homo more, po mi audi u pusi seqe de akti, mi pote duce se akorda plu kilo homo kaso; qi gene surge in memo. Per u-ci nu-tem exempla, mi gene solo u konfesi; panto-ci faktu es–akorda mi maxi boni kredi–fo idio.”

The best thing to hit the internet in years - Juno SpeedBand! Surf the web up to FIVE TIMES FASTER! Only $14.95/ month - visit www.juno.com to sign up today!