Tresora Nesia 34

T R E S O R A N E S I A

ex Robert Louis Stevenson

ge-brevi e ge-Glosa ex Gary R. Miller

MERO SIXA: KAPITANA SILVER

1. E FINI

Kron seqe mana, na pa tako sti ergo, ka, te fero u-la mega qantita de kriso cirka bi kilo-metra trans geo a litora e po u-la tetra kilo-metra per navi a HISPANIOLA, es u mega ra pro tali mikro qantita de ergo-pe. Es u xeno kolekti, homo u tresora de Billy Bones kausa u difere de plu moneta, sed ta ma mega e ta ma difere, mi doxo, mi zero-kron pa este ma hedo de lisi mu akorda plu speci. Silver, mi nece dice, lice habe holo libe e, anti panto-di kritici, feno itera doxo se u veri privilegi e ami asocia.

Na habe ta oligo ergo-pe, panto-pe in navi debi dona auxi– excepti Kapitana, qi horizo epi kusena a poste e dice plu komanda; ka, anti mega re-sani, an kron nece paci.

Es exakti helio-kata, kron na bali un ankira in veri kali baia, po-co poli navi ple ko plu Afrika-pe e Indiana ex Mexico e ge-mixa demo veni peri na, tem vendo plu frukti e vegeta.

Alora, te face brevi u longi histori, na gene oligo ergo-pe a navi, sti u boni viagia ad auto landa, po-co HISPANIOLA veni a Bristol, kron Sr. Blandly sti u puta de prepara un auxi navi.

Panto na pa habe u mega mero de u-la tresora e uti id per sofi alo stupidi mode akorda auto natura. De Silver na audi zero-ra.

Zero antropo alo zoa sio pote tira mi itera ad u-la kako nesia; plus-co plu maxi kako sonia, mi panto-kron gene, es kron mi audi plu unda face brio peri litora, alo sti sedi orto in kli, tem forti voka de Kapitana Flint subito re-fono in mi oti: “Kriso moneta! Kriso moneta!” ____________________ Penny Stock Jumping 2000% Sign up to the #1 voted penny stock newsletter for free today! http://thirdpartyoffers.juno.com/TGL3141/4bb75a75a40bb107b6m06duc