Tresora Nesia 1

T R E S O R A N E S I A

ex Robert Louis Stevenson

ge-brevi e ge-Glosa ex Gary R. Miller

MERO MO: U GERO PIRATA

1. U GERO MARI-AN TOPO “NAVI-FA-CEFA BENBOW”

Mi habe u memo de an, sio es pa-di, kron an kine ko gravi gradu ad hospi-do porta, tem u mari teka seqe po an in manu-kareta– un alti, forti, gravi e nuki-bruno andro. Mi memo, an vide peri baia, tem sibila a se, po-co sti u-la paleo mari kanta, an tali freqe kanta po u-la:

Deka-penta andro epi teka de morta-pe– Jo-ho-ho, e botilia ko rum!

“U-ci es u facili asilu,” an dice po longi tem, “plus u place-topo bibe-lo. U-ci es u somni-lo pro mi.”

Anti an tali kako vesti e an tali krudi loqi, an pa habe zero feno de ali simpli mari-pe, anti-co an feno es u komanda-pe alo kapitana, qi habe u more, gene obe alo dona puni. An es u silento antropo akorda more. An duce mi a latu uno-di e promise a mi u tetra-centi moneta panto meno, si mi tena “vigi mi tele-pote oku de mari-pe ko mono poda,” e imedia dona info ad an, kron an veni a vista.

Mi este mei fobo de Kapitana de ali hetero antropo, qi habe ski de an. Mei kako de panto hetero ra, an plu histori es u ra, qi sti, plu antropo este fobo. Veri per mono mode, an proxi kausa no-sucede a na, ka an du resta septimana po septimana, fini meno po meno, per-co panto valuta gene spende, anti-co mi patri zero-kron pa sti u koragi te gene ma. Un holo tem Kapitana du eko ko na, an face zero muta de vesti, excepti merka plu pedi-te ex vendo-pe in via. ____________________ Online Associates Schools 2009 Online School Directory. Find online Associates schools here. http://thirdpartyoffers.juno.com/TGL2141/c?cp=oiExaNm2fGC_n8C_DGtUPQAAJ1DcCzXl_3TfjnPX-G4hLylnAAUAAAAAAAAAAABvgT7jzx3tw7x34FtXwp6bsR3nAAAAAA==