Re: [glosalist] dubar on the bus

Proxi tri penta anua retro, mi pa tenta doci Engelingua a u ju-an, Dubaro Nio, ex Benglalanda (25n93e).An pa sedi in u-mi doci grupo e pa feno logi no ra. U hetero ju-an sed ex Punjabilanda (35n75e) pa dice a mi ; Dubar ( plu nima es no veri) pa dice Gujerati-lingua. Mi pa ki a u bibli-do e, po ma cerka,
pa detekti u fo paleo bibli ko plu de u-co lingua, mi pa monstra id a Dubar qi
skope ad id ko u fo vaku facia. Kusdev, de Punjabi-landa, e mi pa lento seismo plu-na kefa - no veri. “Urdu”, Kusdev pa ofere. Bengla-landa pa es a u-la tem, Est Pakistan e u lingua de Pakistan es Urdu. U Urdu bibli pa es ma facile de detekte so mi pa gene sko u Urdu frase. “Dubar, E kja cis he?”, Kusdev salta ana e kata ko hedo “ Kursi he. kursi he!” - nuli signi ex Dubar!. An pa no dice Urdu. ( na pa dice:- “U-ci ra es qo?”, “Id es sedi-mobile”) Versi a bibli-do!. Apo longi tem, mi detekti u mega e paki bibli ko multi lingua in id qi mi pa sume ab. Kusdev, Dubar e mi pa sti a pagina mo e na tri pa skope u lingua epi id, na pa skope pagina tri e ma e ma pagina. Mi pa pote logi plu de pagina e Kusdev plu hetero, Punjabi-lingua e Hindi-lingua e po multi pagina, Dubar pa dice ko hedo “Bengla” e sti lekto id. an pa pote lekti id facile e tako. Po u tem, an pa feno enigma, an pa lekto u Kristi Bibli e an pa es u Muslim. Retro a bibli-do, id pa es dificile te gene u bibli de Bengla-lingua. anti-co na pa profito e plu sko de Enge-lingua pro Dubar pa sti. Sed. Dubar pa no es u boni gene ski pe e u-an progresi pa es fo fo lento. Mo di, mo de u Engelanda ju-an qi pa habe simpati ko u-mi auxi Dubar, pa dice; mi pa es disipa u-mi tem e fo-tenta. U hetero ju-an ridi e dice; mi debi audi u Enge-lingua de Dubar epi u bus! Proxi mo penta di seqe, mi pa akuti id! U mi moto-me ruptu e mi nece ki a e ab u-mi sko-do per uti bi bus e mo di mi pa sume u mo qi pa ki ab mo mero de sko-do ad hetero proxi tri kilometri dista e dia ad u centra de civita. Mi pa sto u bus, pa gradu epi id e pa skende plu skala. Un akro tegu pa habe tri matura-an e un amaso de ju-an de u-mi
sko-do. U kako foni pa posi face pe ple non-audi, il pa es plu sporta milita, plu misili pa vola in pan via, plu bibli, plu saka, plu papira, plu stilo, plu
pedi-ve, plu sito etc. U fenestra pa es aperi e ma misili pa ge-jeti dia id e
kata epi u movimento infra. …………………
Mi pa sta ko mega mira, u solo tem; mi pa vide ali-ra homo id, pa es in u filma epi telivisio - u komika de sko-do vita . Mi pa ski plu singu ju-an. Veri, mi pa ski qo mi pa debi akti - sed no ko hetero pe u-la! Anti-co, mo de plu ju-an pa torno e pa vide ke mi pa vide mu. An pa subito sto, u feno de fobo pa kresce epi u-an facia. Subito an pa sedi, pa ze-kine e pa es ze-soni. An pa pulsa u-an para-pe ko u-an kubita e pa susura (alo qo plu ju-an
ge-nima susura) a u ju-an a fronta , “Pidi”. U-co an pa torno u pusi te kripto oku in u-mi loka. An pluso susura “Pidi” e pa sedi. Ab u-ci u undu pa pande de plu ju-an qi pa sedi, skope fronta e pa ze-soni. Plu-la saka,bibli, vesti, papira, korda, sandvic, botilia qi pa pende ex u bus, pa fo tako ge-trakto in versi dia plu fenestra e plu-co pa ge-bang klude. Plu hetero ra pa kade e ge-lose in u longi pista poste e ultra u bus.

U bus pa es qieta. A dorsa, il pa es tri matura-pe; proxi dorsa, septi alo okto ju-an de sud asia. U-co ju-an pa es ko civiliza e boni akti. Pluso, tem
plu hetero ju-an pa es homo plu agrio bestia. Po oliga minuta, mo de plu Asia an pa sta. An pa skope ad plu an ami ante an, pa lati hedo-vultu e pa sti u longi dice ad mu. Id pa es in flu Enge-lingua. sed, id pa es fo mali, ple de multi deino mali-dice. U Enge-lingua an pa feno ski pa es pan plu obsceni alo plu blasfema. Plu-an kompani viagia-pe pa es holo silento. Dubar pa dura dice ko kresce entusi tem plu an audi-pe pa tenta, sine sucede, sema pro u-an sto.

Graduali, Dubar proto te kredi ke il es uno-ra falsi, e pa reali; mo matura-pe pa ge indika (in u kripto mode), u an flu de mali-dice pa esce hesita e an pa torno a dorsa, an e mi pa skope alelo

Mega-fobo! Silento! U-an facia pa muta kroma ab meso-frigi polio bruno homo Juglans ligni a u termo rubi de pluto Svieteni (Swienteni) ligni. An pa subito sedi. An pa kripto u-an facia in plu-an manu e seqe ko plu manu inter
plu an genu e pa meiosi ab vide. Plu-an ideo sko de enge-lingua nu pa fini.

Pan pa es pusi fono. Il pa es plu pedi-soni qi pa gradu epi e pa skende plu skala. Id pa es u bileta kolekti-pe.

Un akro tegu pa habe tri matura-an e un amaso de ju-an. U kolekti-pe pa sta
ko mega mira,a. An pa skope peri an, pa pausa e pa dice ko mega suspici, “Qo
ge-es u problema ko vi mali-pe? Qe vi pa sume u supra-qantita de plu somni-pilu alo uno-ra?”, Il pa es no reakti so an pa gresi a u fronta de bus e ko mega kura pa skope alo pa vendo plu bileta. An pa gresi ko mega mira kausa no mo de plu ju-an pa tenta u es krimi evita de paga pro u-an viaga.

An pa habe enigma. Tem an gresi a dorsa, plu de ju-an pa indika plu andro a
dorsa e tem an pa veni a akro de skala, un andro proxi mi pa dona u fo brevi nuta de kefa a mi. U kolekti-pe pa face u fo fo pusi signi de rekogni, pa
ne-ski u-mi ofero de preci e pa ki kata plu skala.

U pusi tem tarde, u bus pa sto, plu de viaga-pe pa ki ab id e plu hetero pa veni epi, plu pa sedi kata skala e plu de mu pa veni ana. U kolekti-pe pa seqe e pa sume plu-mu valuta. Sed, tem an pa veni a mi, an pa ne ski mi, an pa skope dia mi! Mi pa no pote ge-vista! Mi undula u-mi valuta. An pa skope dia
mi itera. Mi pa tusi. Mi pa no pote ge-audi! Mi pa no pote ge-vista alo audi.

U-ci pa akti tri alo tetra kron a tem u bus pa sto a u-id ultima sto. Tem mi es ab u bus, u kolekti-pe pa ki. U seqe mana mi pa ki epi u bus, pa sedi, u bus pa sti e u kolekti-pe veni pro plu preci. Itera, mi pa es no ge-vista. Itera mi pa viagia grati. U-co pa akti pan tem mi pa uti u-ci bus, mi pa es no ge-vista a pan per kolekti-pe alo examina-pe! No pe pa monstra; (ke) mu pa ski ; (ke) mi pa es la, tem mo di, mi pa ki ab u bus e u kolekti-pe a u ago-pe pa klina epi u raila. Tem mi pa gresa a mu, mu pa torno ab itera e feno mi pa es no la sed mo de mu, pa klude mo oku fo brevi tem an pa torno.

Mi pa akti u-ci viagia dia tri seti-mana e nuli-pe pa volu sume u-mi preci.

sid

[Non-text portions of this message have been removed]