Re: [glosalist] Un uti de "ke"

Marcel Springer pa grafo:

Mega gratia ad Igor, Manuel e Mario de mu interese de Glosa e de mu grama a Glosalist! Bene-veni a vi!

Gratia!

Manuel Valderrama grafo, 2004-02-06:

Ali ma exempla:

An pa dice: “Mi veni fu-di”. An pa dice; se veni u seqe-di. An pa dice ke se veni u seqe-di.

Posi tristi pro plu Hispano-pe, — sed place uti simpli “an”: “An pa dice; an veni u seqe di.” / “An pa dice ke an veni u seqe di.”

Un uti de “se”; qi mi pa monstra ana ci, ne gene origi ex u Hispani-lingua. In Hispani lingua, na dice homo in u Angli lingua. Id gene origi ex u Latina Lingua; in qi pe debi dice homo exempla kata ci:

• rekti-mode:

Antonius dixit: “cras veniam” (Glosa: Antonio pa dice: “Mi (fu) veni fu-di”)

• ne rekti-mode:

Antonius dixit se postridie venturum esse. (Glosa: Antonio pa dice; (se/an)? veni u seqe-di.)

In u latina lingua, il es bi pro-nima pro u persona-tri (Angli: “third person”) (Kave: u pre afirma ne es holo korekti, il es solo u mode de face ma simpli u komplexi problema de u persona-tri in u latin lingua.). Mo persona-tri pro-nima es “Is, ea, id” (Glosa: an, fe, id); qi ne habe reflexi semani. Un ali(1) persona-tri pro-nima es u “se” (“se” es u “objekti-mode” (Qe mi pote uti u-ci expresi pro qod in ali lingua pe dice “Acusativo (es), Accusative (en), Akkusativ (de)”); plus-co “se” ne habe u “nima-mode” (Nominativo/Nominative/Nominativ), sed u-ci es un idio ra de u latina lingua). Seqe-co, in u latina lingua na habe:

• rekti-mode:

Antonius dicit: “venio” (Glosa: Antonio dice: “mi veni”.) Antonius dicit: “Titus venit”. (Glosa: Antonio dice: “Tito veni”).

• ne rekti-mode

Antonius dicit se venire. (Glosa: Antonio dice; se veni.) Antonius dicit Titum venire -> Antonius dicit eum venire. (Glosa: Antonio dice; Tito veni -> Antonio dice; an veni.)

Bi ana-ci exempla monstra qod, homo minima in u latina lingua, es u reflekti-semani e u ne-reflekti-semani. So, homo mi ski oligo latina lingua, kron mi detekti plu reflekti struktura in glosa, homo plu kata-ci exempla; qi tu pa monstra in tu reakti a mi:

“Se” solo gene uti; si id habe “reflekti”-semani.

An lave se. - He washes himself (Pedro washes Pedro. Reflekti-semani.) An lava an. - He washes him (Pedro washes Marco. Minus reflekti-semani).

“Se” ne habe funktio pro ne-rekti dice (= indirect speech) in Glosa.

mi konsidera fo gru ko u logika puta-mode, ke u “se”, homo panto verba de glosa, ne simboli u betona idea (ra alo uti). Gru-co (penite pro u-ci abusi-uti de u “-co”!), pe sio pote u-ci “se” in plu difere mode. Lase proto ex u pre betona exempla:

Peter lava Peter -> An lava se. Peter lava Markus -> An lava an.

E si na ludi ko u betona ana-ci exempla, e na “ma-generali-face” id (2), pe pote dice homo kata ci:

Peter lava u manu de Peter -> An lava se manu. Peter lava u manu de Markus -> An lava an manu.

E si na ki ma tele ko u pre exempla:

Peter dice: “Mi volu merka u bibli” -> Peter dice; Peter volu merka u bibli. -> An dice; se volu merka u bibli. Peter dice: “Markus volu merka u bibli” -> Peter dice; Markus volu merka u bibli. -> An dice; an (sed ne se auto!) volu merka u bibli.

So mi puta ke un ana-ci uti es u maxi logika uti, sed, plus, mi logi ke u-ci uti ne es so facili de u ne-uti de u “se” in tali mode.

Para-co (alo ma boni: paraleli-co), glosa nu habe ali verba te expresi u reflekti-mode, alo minima uno tipo de reflekti-mode; qi es u verba “auto”:

Peter lava u manu de Peter -> An lava auto manu. Peter lava u manu de Markus -> An lava an manu.

Sed, mi debi postula; id uti es te expresi mono mode de reflekti ma forti de “se”, homo plu latina pro-nima “idem, eadem, idem” e “ipse, ipsa, ipsum”.

(1) Alo qe mi pa debi dice: “Un hetero persona-tri pro-nima…” ? (2) “ma-generali-face id”: mi pa uti u-ci expresi vice “face id ma generali”, ka mi ne este sura ke id pote gene logi u “face id ma generali”. In teori, il ne es problema ko un uti “atributivo” (mi uti u hispani verba, ka mi ne ski u glosa verba pro “atributive”) in Glosa. Homo exempla: “U relaxa face ma hedo un andro” alo “un andro ma hedo”. In u pre exempla un uti de u pro-nima (article in glosa?->(3)) “u/plu” face u frasa ma klari. Sed si na habe ali pro-nima vice un “u/plu”, u frasa ne es klari: “U relaxa face an ma hedo” (-> id posi gene logi), “U relaxa face ma hedo an” -> “the quietness makes a happier man”; qi es subo difere de “the quietness makes the man happier”. (3) Un “u/plu” de Glosa es subo especiali, ka id ne es u norma pro-nima (alo “article” alo uno-ra; qi es), sed u ma boni defini de un “u/plu” sio pote u “nima-face-verba” (u “nominalizator” in Angli lingua), ka id pote nima-verba-face panto-ali-ra (mi -> u-mi, ci -> u-ci, gene sko -> u gene-sko (the learning or the act of learning), klu-co, mo fo mira exempla; qi pote acide (sed posi id sio ne fo korekti): -co -> u-co!!, e so itera).

Posi na panto vale! Ad itera vide!