Huck Finn 38

Face plu stilo es u fo-turba, no-facili ergo, plus u seka-xilo-ru. Tom dice; Jim debi frika grafo un insigni epi mura. Tom proto un ergo de puta de insigni. Po-co an sti skema u tristi frase pro id. An dice: “U mega farina-li habe u topo in farina-do. Na kripti gene id, plus frika grafo panto-ci epi id.”

U la es u forti idea. Anti-co id es plus u forti farina-li. Na nece kine, tende duce Jim a la. Kausa-co an moti ad ana u kli, moti u katena ab kli-mo pali, volve id peri kola, repti kine dia u fugi fora, e a la. Po-co an sti somni, e kripti moti u-la farina-li in kli, e sti somni epi id.

Tom puta tem mono alo bi minuta, e dice: “Tu fu pote habe plu toxi serpenti topo qo?”

“Cefa Tom! Sti logi; si mi sio detekti u toxi serpenti in ci, mi sti frakti ex ci dia u-la xilo-bloka mura, sura, per auto kefa.”

“Na fu pote gene pro tu plu mikro ze-toxi serpenti.”