Huck Finn 36

Noktu-tem, kron na puta; panto-pe habe somni, na kine kata un urani-flasc tubi, e klude se in instrumenta-do. Po-co na fosi e fosi per bi seka-ru a meso-noktu. Po-co, anti na habe forti fatiga, na manu habe plu dermi buli, pe pote vide; na pa akti proxi a zero ra.

Tom dice: “U-ci habe vana, Huck. U-ci ne fu habe sucede. Na nece fosi an ex la per plu tera fora-ru, e DICE a panto-pe plu seka-karni-ru.”

Po-co me gene u fosi-ru, plus na forti akti seka e fosi. Po mi kine ana skala, e vide dia fenestra, e vide; Tom forti tenta kine ana urani-flasc tubi. Anti-co an ne pote kine ana id, kausa an bi manu este tali algo.

Mi dice: “Kine ana skala, e dice a panto-pe u flasc tubi.”

U seqe di, Tom klepto u stani spatula e u kandela-va ex kupra-zinka in domi, tende face plu stilo ex mu pro Jim, plus sixa kandela ex lipo.

Po-co Tom dice: “Nu, na nece puta; dona a Jim plu-ci ra per qo mode.”

Noktu-tem na kine longi u-la urani-flasc tubi a kata mikro po deka horo. Po-co na tako akti per fosi-ru e frakti-ru, e, po bi e hemi horo, un ergo habe kompleti. Na gentili e lento sti no-somni Jim. Po-co Tom dice poli qestio. Kron Jim dice ad an, Silas kine in la panto alo panto bi di, tende preka kon an, e Sally kine in la, tende logi; qe an habe plu gluko cirka-sta e sufici sito, Tom dice: “Mi NU ski u mode de sucede.”

Po-co an dice a Jim; na fu nece kripti dona u skende korda in torta ad an per Nat, u-la Afrika dulo, qi dona ad an plu vora. Plus-co an nece habe vigli, e ne este mira, e ne lase; Nat vide; An sti aperi id. Po-co na repti kine ex la dia fora, e po-co a kli in domi, kun plu manu, qi habe u ge-rode feno.

Tem matina, na kine a piro-xilo-lo, e seka u-la kupra-zinka kandela-va a plu facili mero. Po-co na kine a plu mikro domi de plu Afrika dulo. Tem mi sti un atenta de Nat ab la, Tom pulsa mono mero ex kandela-va a meso de u zea torta, ge-detekti in vora disko de Jim. Po-co na kine ko Nat, tende gene u ski; u-la habe qo sucede. U-la habe grandi sucede. Jim zero-kron dona u ski de id, excepti; id es u petra alo uno-ra homo u-la. Tem na sta la in sub skoto, bi kani subito veni ab-infra u kli te Jim. Sura, na pa no-memo de klude un instrumenta-do porta! Un Afrika dulo Nat simpli voci– “Plu magika-pe!”– e kade a pedi-lo. Tom sti aperi u porta, e bali mero ex karni ex la. Ko-co plu kani kine seqe id. Tom tenta ergo de u-la Afrika dulo, tem dice plu qestio, qe an pa sonia vide uno-ra.

An dice: “Cefa Sid, tu fu dice; mi es u stulti-pe. Anti-co mi du kredi; mi pa vide plu kani alo diaboli.”

Tom dice: “Qo-ra sti; mu kine a ci kron matina vora du u-ci Afrika dulo? U kausa es: mu este no-sati. Tu nece face pro mu u magika-pe torta. Ben, mi auto nece face id.”