SKO II

SKO II

iridi = urani arca

PLU SAPO BULI

1. Plu ju-an pa veni epi portika te fla plu sapo buli. U paleo feli somni epi pusi tape ante porta.
2. “Ha! ha!” Roberto ridi, kron u buli ki moli epi paleo feli dorsa sed ne gene explode.
3. Wili tenta sti; an buli akti iso. Nu-kron id ki epi feli facia e sti; fe snaza.
4. “Fe ma volu lava facia minus sapo,” Hari dice. “Nu lase; na fu vide; qo-pe pote face u maxi mega buli.”
5. “U-mi es u maxi,” Roberto dice. “Sti vide; id peti tali alti in aero! Mi pote vide– O, id gene explode.”
6. “Mi pote vide u domi e plu dendro e un urani in u-mi,” Wili dice, “plus plu tali kali kroma.”
7. “Qo numera, Wili?”
8. “Rubi–mo, ciano–bi. Fini–mu nu es ab. Lase; na itera tenta.”
9. “Mi ski; qo-numera kroma es la,” Heri dice. “Iso numera; qi es in iridi.”
10. Qe tu ski; qo-numera es u-la?

NORD-DAKOTA

U geografi de Nord-Dakota habe difere. In est, u Rubi-Fluvi-Vali es plati. U giganta glacia Laku Agassiz pa face id forma. Plu glacia-masi flu pa face u forma de plu fosi e buno de Flu-Gra-Landa. Plu glacia masi pa es u tegu epi panto Nord-Dakota excepti sud-uest gono de Nord-Dakota. Ex-rode pa krea u-ci. Un uest mero de u stato-landa habe u nima Missouri Plati-lo, qi klina ana a plu Lito Monti. U-ci face ma alti u landa.

Nord-Dakota habe u Kontinenta Klima. Id es fo termo estiva-tem e fo frigi hiberna-tem. Nord-Dakota gene 25-50 cm. kade-hidro singu anua excepti in Rubi-Fluvi-Vali; topo id gene 50-80 cm.

Nord-Dakota akti exporta de plu ra: elektro, Tritikum, Linum, Glicine Max faba (Soju), karbo, kerami. Plu Indiana pa akti exporta de Kultela-Fluvi silikon-li.

U maxi importa ra; qi sti muta in bio in Nord-Dakota es loka–2,300 kilometra ab ali litora. Freqe, ge-importa sito e ge-face produce-ra habe ma mega preci. Anti-co na habe nuli industri-fumi ab oceani. U loka plus sti muta in klima (mi pre grafo de u-ci). Panto-ci es plu ex fisika karakteri de Nord-Dakota.

The best thing to hit the internet in years - Juno SpeedBand! Surf the web up to FIVE TIMES FASTER! Only $14.95/ month - visit www.juno.com to sign up today!