U RUBI-KAPILA GREGA, mero 10

SOFI

Na gene paleo eva pre-kron e gene sofi po-kron. (Deutschland)

U RUBI-KAPILA GREGA, mero 10

“John Clay; cide-pe, klepto-pe, destru-pe, falsi-ceka-pe. An es u subo juve andro, sr. Merryweather, anti-co an es u campiona de profesio. Mi hedo habe mi liga-me epi an de ali hetero krimi-pe in London. An es u famo andro–juve John Clay. An patri patri pa es u duka de regi. An auto pa es in Eton e Oxford. An enkefa es iso tekno de digi. Anti na gene plu simpto de an panto-lo, na ski zero-kron; un andro auto es qo-lo. An klepto in Scotlanda tem uno setimana e gene plu doro te tekto un orfana-do in Cornwall tem seqe setimana. Mi pa ki seqe an tem poli anua sed pa vide an nuli-kron a-nu.”

“Mi spe; mi fu gene un hedo; sti ski de vi ad alelo nu-noktu. Mi pa habe mo alo bi pusi experi ko sr. John Clay. Mi habe akorda; an es u campiona de profesio. Anti-co un horo es ultra deka. Na nece sti ki. Si bi vi fu uti u vagona mo, Watson ko mi fu ki seqe in u bi.”

Sherlock Holmes ne es komunika-pote tem longi viagia. An klina se in vagona tem api-soni plu melodi; an pa audi tem di. Na ki ko bate-soni epi minus-fini enigma de strata ko gasi-lampa, a-kron na gene vista in strata Farringdon.

“Na nu es proxi la.”–mi ami dice. “U-ci homi Merryweather es u banka duce-pe e este idio interese de u-ci. Mi pa doxo; es boni: plus habe Jones ko na. An ne es u mali homi, anti an es un holo no-tekno-pe de profesio. An habe mo boni valu: An es iso no-fobo de an-bovi-kani e iso volu-tena de Homarus, si an gene manu epi uno-pe. Na es ci, ko-co mu es la tem atende na.”

Na nu-pa es in iso homi-ple via; in qi na pa es tem mana. Na vagona gene lase. Tem seqe sr. Merryweather, na ki kata u steno via e dia latu porta; an aperi pro na. Intra id es u pusi atri; qi habe u fini de fo mega feru porta. An plus aperi id; qi duce kata skala de lito gradu; qi habe fini ad hetero forti porta. Sr. Merryweather sto ki te sti flama in laterna. Po-co an duce na kata skoto atri ko tera odoro. Po aperi u porta tri a mega kavita alo infra-ka; qi habe poli kumu de vasa e mega teka.

“Tu ne es fo vulne-pote ex supra.”–Holmes rekogni tem tena u laterna e skope peri.

“Ni ex funda.”–Merryweather dice tem bate u baci epi plu lito; qi es u tegu epi pedi-lo. “Qe, karo mi: id habe u kavita soni!”–an rekogni tem vide supra ko subito.

“Mi fo nece dice a tu u petitio; es pusi ma silento.”–Holmes dice ko severi. “Tu nu-pa dona risko ad holo sucede de na viagia. Qe mi fu dice u fo-petitio; tu fu habe u boni; sedi epi mo ex plu-la teka e ne dona vexa?”

U solemni sr. Merryweather moti se epi u mega teka ko fo ge-vulne feno epi facia, tem Holmes kade epi genu epi pedi-lo. Ko laterna e per lenti, an proto skope plu mini-ra de plu skizo inter plu lito. Oligo sekunda es sati pro an, ka an salta itera epi pedi e moti u lenti ad-in marsu.

“Na habe in mini kaso mo horo ante na,”–an rekogni–“ka mu ne pote akti, a-kron u boni kambio-pe es imuni in kli. Po-co mu ne fu lose klu mo minuta, ka, ko ma tako de ergo, mu fu habe ma tem te fugi. Na nu es, doktora–homo tu minus dubi pre face u divina–in infra-ka de civita mero de mo cefa London banka. Sr. Merrweather es u cefa de panto banka duce-pe. An fu dona a tu un explika; es plu kausa; plu ami-risko krimi-pe de London fu habe mega interese de u-ci infra-ka nu-tem.”

“U-ci es na France kriso.”–u banka duce-pe dice per susura. “Na pa gene oligo monito; u tenta te klepto id fu posi gene akti.”

“Vi France kriso?”

“Ja. Na pa habe pre oligo meno u fortuna te face forti na pluto. Pro u-la kausa, na pa tem-gene 30,000 napoleon-valuta ex Banka de France. Id nu es ge-ski; na nuli-kron pa gene un acide te apo u valuta ex teka. Id a-nu kumbe in infra-ka. U mega teka; epi qi mi sedi, habe 2,000 napoleon ge-stora inter plu plumba lami. Na reserva de kriso nu-tem es fo ma mega de qantita; qi norma es ge-tena in mo ofici. Plu duce-pe pa este mali de u-ci tema.”

“…Qi pa es fo ge-merito.”–Holmes rekogni. “Ko-co nu es u kron; na sti; na pusi skema gene sistema. Mi este; in mo horo, panto pragma fu gene reali. Tem-co, sr. Merryweather, na nece moti skuta epi u-la laterna.”

“Ko-co sedi in skoto?”

“Mi este sura de u-ci. Mi pa fero u ludi-karta-fa in marsu. Mi pa puta; ka na es u ludi-karta grega, tu fu fo posi habe u ludi. Anti-co mi vide; anti-pe prepara pa gene ta sucede; na ne posi gene u risko de foto peri-lo. Ko-co, proto, na nece gene loka. Panto-ci andro hedo risko. Anti na fu kapti mu ko subito, mu fu posi akti noku a na, si na ne dona kura a se. Mi fu sta poste u-ci mega teka. Vi sti kripto se poste plu-la. Po mi fu monstra foto epi mu, sti veni ko tako. Si mu fu fusili, Watson: este zero sto de fusili kata mu.”

The best thing to hit the internet in years - Juno SpeedBand! Surf the web up to FIVE TIMES FASTER! Only $14.95/ month - visit www.juno.com to sign up today!