Mikado 15

Ko: Es simpli mono ra, na nece akti. Nanki-Pu ne pa lase ci. An imedia nece gene re-bio. (Nanki-Pu e Yum-Yum a skeni, ge-prepara de viagia.) An veni a ci. Sti logi, Nanki-Pu, mi habe u nova a tu: Tu habe u pardo.

Nank: O, es po-kron. Mi es u morta homi, e sti kine a game feria.

Ko: Disipa! U deino ra nu-pa gene acide! Feno; tu es u fili de Mikado.

Nank: Ja, anti-co u-la gene acide pre longi tem.

Ko: Qe u-ci es u tem de simpli kritici? Tu patri es ci, plus ko Katisca!

Nank: Mi patri! Plus ko Katisca!

Ko: Ja, plus-co an idio volu tu.

Pu: Plus fe volu.

Yum: O, anti-co an nu es ge-game.

Ko: Mi kardia! U-ci habe qo importa de u-ci?

Nank: Katisca habe mi kausa game. Anti-co mi ne pote game ko fe, kausa mi nu es ge-game. Kausa-co fe fu komanda mi cide. Plus-co, si mi gene cide, mi sponsa fu gene ankora-bio in-tera.

Yum: Tu nu logi na no-facili.

Ko: Ja. Mi ne ski akti qo.

Nank: Es mono boni acide a tu. Si tu fu sti; Katisca gene game ko tu, fe ne pote habe mi, akorda-co mi pote gene re-bio minus fobo de morta.

Ko: Mi gene u game ko Katisca!

Yum: Mi veri doxo; u-ci es u solo akti.

Ko: Anti-co, mi boni-pe, qe tu pa vide fe? Fe es uno no-gluko ra!

Piti: O, u-la es simpli u facia. Fe habe u laevo braki artri, plu homi veni poli kilo-metra tende vide!

Pu: Pe dice a mi; fe dextro pedi artri es ge-latri ex plu experi-pe.

Ko: Mi boni-pe, mi nega sti amo kausa uno dextro pedi artri.

Nank: U seqe es; tem Katisca habe zero sponsa, mi hedo es u spiritu minus soma, tem Katisca es ge-game, bio fu sti hedo, homo plu flori de blasto-tem.

(Nanki-Pu, Yum-Yum, Pu-Ba, Piti-Sing e Ko-Ko kine ab skeni. Katisca kine a skeni.)