U rubi-kapila grega, mero 3

“Ja, mi nu habe id.”–an reakti ko paki, rubi digi semi-kata lista. “Id es ci. U-ci pa proto panto-ra. Tu auto lekto id, sinior.”

Mi prende u-la papira ab an e lekto u seqe:

“A RUBI-KAPILA GREGA: Kausa po-morta volu de nu-pa Ezekiah Hopkins de Lebanon, Pennsylvania, U.S.A., nu es u vaku ergo; qi fu dona u lice; u grega membra gene 4-ponda in-valuta singu mo setimana kambio plu simpli servi. Panto rubi-kapila andro; qi es sani de soma e menta e habe ma de 21 anua, habe posi. Dona petitio per auto setimana-di bi 11:00 a Duncan Ross ad ofici-ka de grega, 7 Pope’s Court, Fleet Street.”

“U-ci habe qo semani epi geo?”–mi voci po lekto un extraordinari info bi-kron.

Holmes dona pusi ridi e seiso in sedi-mo homo es an more tem in hedo spiritu. Id es pusi no-norma, qe?”–an dice. “Plus-co tu, sr. Wilson, nu proto e dice a na panto-ra de se, eko-lo e un efekti; u-ci publika grafo pa habe de tu fortuna. Proto, tu fu gene nota, doktora, de papira e de datu.”

“Id es U mana kron-registra de meno tetra di bi-seti 1890–solo pre bi meno.”

“Fo boni. Nu, sr. Wilson?”

“Ben, es iso mi pa dice a tu, sr. Sherlock Holmes.”–Jabez dice. “Mi habe u pusi kambio-do komerci epi Koburg; proxi civita. Id ne es fo mega. Plus-co, po plu ultima anua, id ne akti ma de dona a mi un eko. Mi pa more habe bi auxi-pe, anti-co mi nu habe solo mo. Mu sio volu dona an ple valuta pro an ergo, anti-co an du ergo kambio semi-valuta plus gene sko de komerci.”

“U nomina de u-ci sti-akorda juve homi es qo?”–Sherlock Holmes dice qestio.

“An nomina es Vincent Spaulding. Anti-co an ne es ta juve. Es no-facili: dice an eva. Mi ne sio volu u ma intelige auxi-pe, sr. Holmes. Mi fo veri ski; an pa face ma-boni se e gene u valuta; mi posi dona ad an, para bi. Anti-co, si an este sati, mi fu moti plu idea in an enkefa qo-ka?”

“Qo-ka? Tu feno habe fo boni-fortuna; habe un ergo-pe; qi du ergo kambio mei de sati preci. U-ci ne es u norma experi inter dona-ergo-pe nu-tem. Mi ne este sura; tu auxi-pe es ta vide-valu, iso tu dice.”

“O, an habe plus plu defekti.”–sr. Wilson dice. “Feno, es ta fotografi-pe nuli-tem. An du sti fotografi-me panto-kron, tem an sio debi face ma-boni u menta. Po-co an; homo kuni, du ki kata infra-ka te face boni plu fotografi. U-ci es an ma mega defekti. Anti-co e suma-co an es u boni ergo-pe. Es nuli kako-ra in an.”

“An es ko tu a-nu–mi face u divina?”

“Ja, sinior. An e u juve gina; qi habe mo-tetra anua e akti pusi kuko plus tena puri mi loka. Panto-la es panto-ra; mi habe in eko-do, ka mi es u vidua e pa habe u famili nuli-tem. Na du eko ko fo ordinari, sinior–solo tri na. Na tena un eko-do e dona paga pro debito, si na akti ne plus.

“U proto pragma; qi dona turba, es u-la publika nota. Spaulding–an ki ad-in ofici-ka pre okto setimana kon u-ci papira in manu e dice:

“‘Mi volu a Teo; mi sio es u rubi-kapila-pe…’

The best thing to hit the internet in years - Juno SpeedBand! Surf the web up to FIVE TIMES FASTER! Only $14.95/ month - visit www.juno.com to sign up today!