Mikado 4

[4]

(Panto-pe excepti Yum-Yum kine ab la. Nanki-Pu kine a la.)

Nank: Yum-Yum, na fini es solo! Mi pa tenta detekti tu noktu e di, tri setimana, kausa mi doxo; tu

kura-pe pa gene ab-seka kefa. Po-co mi detekti; tu fu gene game ad an nu-di!

Yum: O, ja!

Nank: Anti-co tu ne amo an?

Yum: O, no!

Nank: Sub forti hedo! Anti-co kausa qo tu ne nega an?

Yum: Kausa qo funktio? An es mi kura-pe, kausa-co an ne lase; mi gene game a tu!

Nank: Anti-co mi atende; a-kron tu habe u lega eva.

Yum: Tu no-memo; topo Japan panto gina ne gene un eva de decide, a-kron mu habe penta-ze anua.

Nank: Veri– mo-seti a tetra-nona es ge-puta plu anua de no-decide.

Yum: Para-co: U vaga musika-pe; qi soni u fla-ru extra plu tea-do, es ne u deko sponsa pro ge-kura-pe

de Cefa Lega-Cide-pe.

Nank: Anti-co– (A latu:) Qe mi fu dice a fe u-ci? Ja! Fe ne fu no-fide mi! (A fe:) Qe si mi fu sti sura

tu; mi ne es u musika-pe?

Yum: Mi es sura de u-ci, kron mi pa audi tu soni!

Nank: Qe si mi fu sti sura tu; mi es un an-fili de Imperi-pe Mikado?

Yum: Un an-fili de Mikado! Anti-co kausa qo imperi-pe tu habe plu kripti vesti?

Nank: Ante plu anua mi habe u mali acide de sti hedo Katisca, u gero gina de korta de palati de mi

patri. Fe ero logi mi more gluko qalita iso plu monstra de amo, po-co nunci mi per game akorda plu lega

de mi patri. Mi patri komanda; mi sti game ko fe po mono setimana, alo gene morta per pende-me.

U-la noktu, mi fugi ab an korta, po-co, po cepti u kripti-ve de kerati-pe bi, mi gene uni ko musika grega;

in qi tu pa detekti mi, kron mi habe un hedo de vide tu! (Proxi a fe)

Yum: (Kine ab an) Mi petitio; mi puta; imperi tu ne debi veni excesi proxi. Plu lega anti publika

monstra de amo es forti severi.

Nank: Anti-co na es veri solo, plus-co nuli-pe pote vide na.

Yum: Anti-co u-ci ne sti; id es justi. Publika amo es severi.

Nank: Sura es severi!

Yum: Plus-co na debi obe akorda plu lega.

Nank: Kako a plu lega!

Yum: Mi volu id a la, anti-co id ne kine!

Nank: Si ne kausa u-la, na fu es tali hedo!

Yum: Sura hedo!

Nank: Si ne kausa plu-la lega, na sio sedi para alelo, iso u-ci. (An sti sedi para fe.)

Yum: Vice debi sedi kilo-metra ab alelo, iso u-ci. (Fe sti sedi topo tele latu de skeni.)

Nank: Na fu sio skope bi oku de alelo, iso u-ci. (An amo skope fe.)

Yum: Spira kausa no-pote de dice tali amo– iso u-ci. (Fe forti spira e skope an.)

Nank: Ko plu braki peri alelo, iso u-ci. (An peri-braki fe.)

Yum: Ja, si ne kausa u-la lega-fa.

Nank: Si ne kausa u-la lega-fa.

Yum: Iso nu es, na sura ne lice akti tali ra.

Nank: Ne kambio plu geo!

Yum: Ge-promise a Ko-Ko, tu ski!

Nank: Ge-promise a Ko-Ko!

(Mu kine ab skeni longi bi difere direkti. Ko-Ko a skeni.)