Aesop 51: Plu Rana Petitio un Regi

Plu rana, qi este tristi ka mu ne habe u ge-establi regi, bali plu ambasadora a Teo te petitio u regi. Ka Teo vide; mu es simpli, an bali u mega ligni-bloka ad-in laku. Plu rana este deino ex aqa-explode; u kade de ligni kausa, e mu kripti se in laku-bato. Anti-co, mu tosto gene ski; u mega ligni-bloka ne moti. Po-co, mu re-nekto a laku-supra, apo auto plu fobo, skende ana u ligni, e proto sti bola se kausa non-amo. Po uno tem, mu proto doxo; mu gene uti ko kako mode per elekti de regi, qi es ta no-aktivi. Ko-co, mu bali grega bi a Teo te preka; an establi hetero regi supra mu. Po-co, an dona a mu un anguila te krati mu. Kron plu rana detekti an facili, boni natura, mu bali grega tri a Teo te petitio; an elekti pro mu ankora hetero regi. Teo, qi este non-hedo kausa panto mu protesta, bali un ardea. Di po di, an casa plu rana a-kron resta nuli voci epi laku.

[Non-text portions of this message have been removed]