Mikado 1

Karo Glosa-pe–

Grati a Xavier de grafo INTERGLOSSA ad inter-reti. Mi pa lekto simpli plu mero de id ex inter-reti, anti-co mi nu pote lekto holo id.

Myaleee– Mi detekti fascina plu nomina de tu ARABI NOKTU. Plu semani de plu Arabi nomina es qo? Qe plu arki-pe pa es veri histori homi?

Mi po longi ergo de setimana grafo pro GlosaList. Id es un amusa fikti. Mi ne translati plu musika, anti-co posi uno fu di–

  U   M I K A D O

  alo
  U CIVITA TITIPU

  Grafo ex W.S.Gilbert
  (Musika ex Arthur Sullivan)
  Translati ex Gary R.Miller

Plu drama-pe:

U Mikado de Japan Nanki-Pu, an an-fili, ge-vesti iso u vaga musika-pe, e amo Yum-Yum Ko-Ko, u Cefa Lega-Cide-pe de civita Titipu Pu-Ba, u Cefa de panto-ra excepti u-la Pisc-Tusc, u sub-cefa Go-Tu, u sub-cefa

Yum-Yum} Piti-Sing } Tri sibi-fe, kura sub Ko-Ko Pip-Bo }

Katisca, u gero gina, qi amo Nanki-Pu

Skena I: Korta de ofici eko-lo de Ko-Ko. Skena II: Un horti de Ko-Ko.

(Skena I: Korta de u palati de Ko-Ko topo civita Titipu. Es plu Japan sub-cefa, qi sta e sedi. Nanki-Pu veni ko Japan kitara epi dorsa e papira-fa ex kanta in saka.)

Nank: Sinior vi, mi petitio; qe vi dice a mi, topo qo u gentili juve-fe nu eko ko nomina Yum-Yum, u ge-kura-pe de Ko-Ko? Kausa simpati– sti dice, mi forti petitio!

Sub-cefa: Sti logi. Qo-pe es tu, qi qestio?

Pisc: Plus qo-ra es tu aktivi de Yum-Yum?

Nank: Mi dice a vi. Pre mono anua mi es u membra ex plu musika-pe de Titipu. Mi ergo es fero u kefa-ve a plu skope-pe te gene paga. Tem mi pa akti tali, mi vide Yum-Yum. Bi na imedia ami alelo. Anti-co fe pa promise game ad auto kura-pe Ko-Ko, u pove vesti-pe. Kausa-co mi pa logi; mi tenta es minus spe. Kausa tristi, mi lase u-la civita. Sti logi de mi hedo, kron mi pa audi pre mono meno; Ko-Ko gene u judika de morta kausa publika monstra de ami! Mi tako re-veni kausa u spe de detekti Yum-Yum libe te audi mi.

Pisc: Es veri; Ko-Ko pa gene u judika de morta kausa publika ami. Anti-co an pa gene pardo kron ultima minuta, e gene u grandi stato de Cefa Lega-Cide-pe.

(Pu-Ba veni.)

Nank: Ko-Ko, u pove vesti-pe, u Cefa Lega-Cide-pe de Titipu! Sura, u-ci es u maxi importa stato; u civi pote gene!

Pu: Sura es. Na logika Mikado, tem logi zero justi difere inter u grandi judika-pe, qi judika de morta de plu krimi-pe, e un aktivi akti-pe, qi akti akorda u judika, pa face mono plu-ci bi profesio. Kausa-co panto judika-pe nu es auto cide-pe.

Nank: Tali boni ex tu, kausa mi logi; tu es u maxi importa arki-pe; de humili se te dice panto-ci a mi, u simpli vaga musika-pe!

Pu: Es zero-ra. Mi faktu es un idio non-humili e grandi pe. Vi sti logi; mi pote retro-seqe auto histori ad u proto-plasma pre-histori atomi. Kausa-co u bombasti de mi famili es ultra logi. Kron nati, mi pa es non-humili. Anti-co mi tenta gene supra u-ci ero. Mi panto-kron sto bombasti. Kron panto ofici-pe pa no-cepti auto profesio, kausa mu es excesi non-humili de servi sub pre vesti-pe, qe mi ne pa imedia cepti panto mu profesio?

Pisc: E plu paga ko mu? Tu pa sura cepti.

Pu: Kausa-co es mi nece de servi u-ci non-humili-pe iso Cefa de Tresora, Cefa Judika-pe, Cefa de plu Milita Navi, Cefa de plu Casa Kanis, Puri-pe de plu Poste Skala, Cefa Religio Duce-pe de civita Titipu, e Proto-pe de civita, panto-tem e mero-tem– panto-ci iso mono. Plus ko paga! Mi gene plu paga kausa servi! Mi es u ge-paga servi-pe! Anti-co mi akti u-ci! U-ci sti pato mi, anti-co mi akti u-ci!

Nank: E gene merito.

Pu: Anti-co mi ne sto post plu-ci. Mi vora ko plu meso-klasi-pe per akorda. Mi kore topo plu pove festa kambio meso paga. Mi cepti plu trinki ex ali-pe, klu maxi non-importa. Plus-co mi merka plu sekreta de arki kambio mikro valuta. Exempla, ali info de Yum-Yum es ex plu sekreta de Cefa de lando stato.

(Nank logi u semani, e dona ad an valuta.)

Pu: Un ero anti mi, sed u non-importa ero!

(An dice ad an topo latu.)

Nank: Mi pa itinera tem meno, alo proxi, te gene un info; Yum-Yum; mi forti ami, nu-di gene game a Ko-Ko!

Pu: Tu pa dice u faktu. An nu veni, arki ge-vesti. An fu dona a tu plus info.

Get Free Email with Video Mail & Video Chat! http://www.juno.com/freeemail?refcd=JUTAGOUT1FREM0210