Aesop 6: U Patri e an plu An-fili

U patri pa habe plu an-fili, qi holo-tem pa du disputa kon alelo. Kron an pa fali repara mu disputa per an plu monito, an pa decide monstra a mu u kako de no-unio.
Ka-co, uno di an pa demanda; mu fero ad an u rami-fa. Kron mu pa akti so, an seqe-mode pa sti loka rami-fa ad-in mu plu manu e pa komanda; mu fo-rupti u rami-fa. Mu pa tenta rupti id per holo-forti, sed mu ne pa pote. U patri kron pa aperi u rami-fa, pa prende panto rami ex id e pa dona mo rami a singu an-fili.
Mu kron facile pa rupti plu rami. Po-co, u patri pa dice; mi plu an-fili, si panto-vi habe mo menta e sti unio te auxi alelo, vi fu es iso rami-fa e ne gene noktu ex anti-pe.
Anti-co, si panto-vi es ge-lisi, vi fu es iso facili ge-rupti de plu-ci rama.

[Non-text portions of this message have been removed]