Ciklo Geo 25

CIKLO HOLO GEO PO OKTO-ZE DI ex Jules Verne

  25

AMBULA = walk; ambulate = to have a patient walk for excercise FERU = iron; ferrous PUGNA = fist, fight; pagnacious = likes to fight

Es 7:00 A.M., kron sr. Fogg, Auda e Passepartout gradu a kontinenta Amerika, si ali-pe pote dona u-ci nomina a plankto navi-lo; epi qi mu kine ex navi. Kausa hedo kron veni ad kontinenta Amerika, Passepartout puta; an fu monstra id per akti u tekno salta. Anti-co an kade dia plu taba, ge-vora per vermi. Po veni a litora, sr. Fogg sti gene u ski; kron proto trena kine ab la a Neo York, e gene u ski; u-la es kron 6:00 P.M. Passepartout interese nota plu lati strata, plu baso eqa-spaci domi, plu Anglo-Saxoni religio-do, plu mega navi-lo, plu mega stora-do ex xilo e brika, plu vagona, e epi plu ambula-lo ne solo plu Amerika e Europa pe, sed plu Zhongguo e India pe. Un alti turi de id civita domi sta supra un holo vista de plu strata e via; qi kine trans alelo per qadra-gono, plus in meso de qi es ge-vide plu hedo, kloro-fito area, tem ultra u-la es u Zhongguo area; qi feno es un infanti sporta teka. U geo-libela de hoteli habe in id u vora-ka, minus preci a panto-pe; qi pote vora sika bovi karni, ostre supa, biskokta, kasea–tem ne aperi u bursa.

Po matina vora, sr. Fogg kon Auda sti kine ad England konsili-do te gene u visa a pasaporta. Po-co an “per u maxi mega fortuna de holo munda” gene un inkontra ko Fix. Po brevi, mu acide es topo strata Montgomery, topo es u mega poli. Un ambula-lo, strata, plu feru-via vagona, plu porta de boteka, plu fenestra de domi, klu plu stego es ple ex poli homi. U-la es u politika unio; Fix puta tali. An dice a sr. Fogg; “Na ne debi gene es in u-la poli.”

Te gene u boni vista minus gene turba ex poli, u grega sti vide topo akro de skala topo alti fini de strata Montgomery. Tende qo es u-la unio? Kausa qo es tali excite? Phileas Fogg ne pote imagina u kausa.

Subito es u no-norma moti in poli. Fix dice; “Id buta klari es te sti excite.” Auda skope u turba skeni ko mira, tem klina se epi braki de sr. Fogg, e tem Fix petitio ad un andro proxi a se; qo es u kausa de u-la. Es u grega ex poli voti-pe; qi veni te auxi a plu socia. Sr. Fogg, Auda e Fix subito es inter bi poli. U mega, muskula andro ko rubi barba, koleri facia e lati skapa; qi feno es u cefa de grega, prepara u pugna te bate sr. Fogg; a qi an fu sio deino bate, si Fix ne dromo e cepti id vice an.

Sr. Fogg voci, tem monstra u koleri vista a pugna-pe; “Yanki!”

An dice; “England-pe! Na fu itera gene un inkontra! Qo es tu nomina?”

“Phileas Fogg. E de tu?”

“U milita-ofici Stamp Proctor.”

Un homi unda kron kine ultra, po sti Fix kade. An tako itera sti sta, sed ko no-sistema vesti.

Kron 6:45 panto viagia-pe veni a statio, e gene u ski; u trena prepara kine ab la. ____________________ HR Masters Degree Online Earn Your Master’s Degree in Human Resources Development - 100% Online http://thirdpartyoffers.juno.com/TGL3141/4cb0bc4b2c5e21e5fbm06duc