Tresora Nesia 19

T R E S O R A N E S I A

ex Robert Louis Stevenson

ge-brevi e ge-Glosa ex Gary R. Miller

MERO TETRA: U BLOKA-FRAGMA

1. UN HISTORI GE-DURA EX JIM HAWKINS: U FORTI-LO IN BLOKA-FRAGMA

“Plus-co, kron vi volu Ben Gunn, vi ski, qo-lo vi pote detekti an. Qe tu ne fu lose u memo?”

Kron an gene rupti kausa forti fono, po-co u bola ex kanona veni, tem skizo dia silva e kade in arena a cirka tri-ze metra, ab topo na sta. Tem seqe horo, freqe fusili seiso u nesia, plus-co poli buleta du krasc dia silva. HISPANIOLA resta la, topo na pa lase un ankira; anti-co es un “Hedo Roger”– u melano insignia de panto pirata– qi venti-moti ab id akro.

Mi a fini doxo, mi pote kine a bloka-fragma. Po brevi tem, mi dice auto histori e proto vide peri mi. Plu klina de monti e holo intra de bloka-fragma es vaku de dendro te pa tekto u domi, ka-co na pote logi kausa panto trunko, tali boni e alti dendro-fa pa gene destru. U frigi vespera venti du face plu sibila fono dia panto lakuna de u-la ruga domi e spora u pedi-lo per dura pluvi de mikro arena. Si pe sio lase, na non-aktivi sedi, panto na gene tristi, anti-co Kapitana Smollett ne es tali antropo de u-la.

Medika-pe dice, “Faktu, un antropo, qi pre morda plu ungu tem tri anua topo deserta nesia, Jim, ne feno es sani antropo per psiko mode homo tu alo mi.”

Panto stora-ra es ta no-sufici, na fu gene no-sati e nece cede ad anti-pe, ante kron auxi fu veni. “So,” Medika-pe adi, “si na ne fu gene ge-fusili pre u-la, mu fu este un hedo de eko in mega navi.”

“Insignia de akorda!” mi audi, uno-pe dice, e imedia po-co per voci de surprise, “Sura es Silver!” ____________________ Weight Loss Program Best Weight Loss Program - Click Here! http://thirdpartyoffers.juno.com/TGL2141/c?cp=YKfXXf8eZfTxS0C-piWWIwAAJ1DcCzXl_3TfjnPX-G4hLylnAAYAAAAAAAAAAAAAAAAAAADNAAAAAAAAAAAAAAAAAAAEUgAAAAA=