Tresora Nesia 10

T R E S O R A N E S I A

ex Robert Louis Stevenson

ge-brevi e ge-Glosa ex Gary R. Miller

MERO BI: U MARI KUKO-PE

1. NA VIAGIA

Tem u-la holo noktu, na du es forti aktivi tem moti plu ra in stora-lo, e tem plu navi, ple ko plu ami de Habe-Cefa, Sr. Blandly e homo hetero, veni te dice plu desira de boni viagia e sekuri re-veni.

Mi ne nu grafo de u-la viagia per plu mini-ra. Proto ex panto-ra, Sr. Arrow pa gene es ma kako. Na ne pote detekti ex qo-lo an pa gene alkoholi bibe-ma. Zero-pe este ni mira ni penite, kron, tem uno skoto noktu, an kine ab vista e zero-kron gene vista po u-la.

Panto ergo-pe este honora de Longi John Silver e klu dona obe ad an. “Veni, Hawkins,” an dice; “veni e audi u stori de John.” Plus-co an psitako dice per mega tako mode, “Kriso moneta! Kriso moneta! Kriso moneta!” “U-la psitako,” an dice, “habe posi du-hekto anua, Hawkins– mu habe proxi holo-tem bio. O, fe es homo u kali navi, fe es,” u kuko-pe freqe dice e dona a fe mikro sukro-ma ex marsu, po-co u-la avi bate per rostri anti karcera e forti kako-dice per no-kredi kako.

Tem-co Habe-Cefa e Kapitana Smollett habe u non-ami relatio kon alelo.

Na pa habe oligo tempestu, qi monstra u boni qalita de HISPANIOLA. Na pa kine a venti area te gene venti a nesia, na cerka– mi ne habe lice te ma klari dice– po-co na kine ad id ko klari urani tem di e noktu.

Uno-di brevi po helio-kata, kron mi panto ergo es fini e mi kine a kli, acide a mi, mi volu u pomi. Mi holo-soma kine in pomi barila e detekti, proxi zero pomi resta; anti-co, tem sedi la in skoto, e kausa u fono de hidro e oscila de navi, mi pre somni alo proxi sti somni, kron u gravi andro sedi ko bate fono proxi a la. ____________________ Finance Career Training Jumpstart your career with a Finance degree, 100% online! Free info. http://thirdpartyoffers.juno.com/TGL2141/c?cp=IfjAvJ4HcKxn3JAZznneVgAAJ1DcCzXl_3TfjnPX-G4hLylnAAQAAAAFAAAAAGiR7T0AAANSAAAAAAAAAAAAAAAAAAVhkgAAAAA=